男星曾偉權今日突然傳出因肺癌離世,終年58歲。入行多年,曾偉權曾先後有過幾段戀情,當中他跟拍拖13年的舊愛梅小惠的戀情就最令人印象深刻。梅小惠得知曾偉權的死訊後亦感到惋惜,表示對方在自己人生中佔一個重要位置。
早年曾偉權跟麗的訓練班同學楊雅潔因性格不合分手,之後加入TVB演出劇集《滿堂紅》而跟梅小惠撻著,當年二人感情更被觀眾看好,但後來曾有指梅小惠想結婚,但曾偉權為了事業而毅然跑到馬來西亞發展,二人關係開始出現分歧。到1998年,曾偉權被傳搭上馬來西亞女星葉麗儀,當時梅小惠選擇相信男友,指男友跟葉麗儀只是好友關係,可惜最後曾偉權選擇跟梅小惠分手,結束13年戀愛,而曾偉權亦因而形象受挫、事業插水,他跟葉麗儀的戀情亦只維持3年就畫上句號。
早年曾偉權在訪問時曾表示對梅小惠有歉意:「始終同小惠一齊咁耐,好似蹉跎佢時間咁,對佢唔太公平,時間對女仔好寶貴,男人就4、50歲都冇所謂,呢方面我真係對唔住佢。」而梅小惠亦提過情變事小,最大遺憾是人生只拍過一次拖。到2015年,曾偉權再被爆透過Facebook認識一個名叫「波兒」的女子,女方經常在微博公開跟曾偉權食飯、放狗等照片,更有消息指曾偉權打本比對方做生意,不過曾偉權就多次強調二人只是契哥、契妹關係,未有承認戀情。