《蝙蝠俠》嘅新獨立電影早前落實由《吸血新世紀》（Twilight）英國男星羅拔柏迪臣（Robert Pattinson）主演，雖然佢出名青靚白淨好搶眼，但係好多超級英雄迷都覺得佢同蝙蝠俠有啲差距，紛紛表態話唔睇好佢嘅演出。近日接受訪問時，羅拔竟然話如果佢擔演嘅蝙蝠俠唔掂，佢就轉行去拍三級片！
羅拔話會接蝙蝠俠係因為感受到自己同主角之間連結：「我真的很想演，這個角色有一種力量，這也是為何它如此吸引人的原因。」對於外界唔睇好嘅聲音，佢就話：「我記得這種受到許多期待的電影的討論氛圍，不管你說甚麼，大家都會罵『啊！你這個白癡！』但其實我根本甚麼都還沒說，其實世界上沒有人比我對我自己更嚴厲，所以我不用擔心別人怎麼想。」羅拔豪言如果佢嗰《蝙蝠俠》上映之後，影迷唔喜歡的話，佢就會轉行去拍三級片，之後再搞笑補充話：「係喺藝術戲院放映嗰啲三級片。」
東網網站 : https://on.cc/
東網Facebook專頁 : https://www.facebook.com/onccnews/
留言 0