AK哥哥笑Anson Lo似「鑽石人」　諷Edan賣保險後急刪帖再解畫

一連16場的《MIRROR FEEL THE PASSION》亞洲博覽館演唱會正在舉行，除了鏡粉外，不少圈中藝人都有捧場，各成員的家人亦入場支持，其中副隊長江𤒹生（AK）的哥哥 Ambrose 亦與友人到場睇騷。但他後來在其instagram轉發朋友的限時動態，並取笑另一MIRROR成員盧瀚霆（Anson Lo）的造型似「鑽石人」，引來批評指他「不尊重」。

Ambrose 在 instagram 轉發一段Anson Lo的表演片段，該片段下寫著「馮素波」，更tag了Ambrose，相信是來自Ambrose的朋友。Ambrose轉發時加上一句回應：「真係好似海賊王入面嘅鑽石人！」

由於Ambrose是AK的哥哥，加上帳戶是公開的，所以他的限時動態迅速被網民留意到，更引來Anson Lo的粉絲「神徒」的不滿，指他身為MIRROR成員的哥哥，取笑細隊的隊友的行為不恰當，指他「真係好唔尊重人」、「好冇禮貌」。

Ambrose出story後，相信已有不少網民留言提醒，該限時動態現已被刪除。有網民公開Ambrose的回覆，他解畫指稱自己不是取笑Anson Lo：「等我解釋一下先，馮素波就真係我粗心大意，如果我見到就一定〇會轉發，這都是我會del post的原因，呢啲係我問題，我願意承擔責任，你哋要怪就我好啦。」

他解釋自己由小到大都非常欣賞鑽石人這角色：「鑽石人方面，或者我講解下鑽石人由來因為我由細到大都睇海賊王有個好似鑽石一樣堅強，佢呢套衫令我換咗喺呢個童年嘅回憶，而且佢真係跳得好好睇，令到你又誤會，希望可以解答到你，亦都希望令你可以開心返。」

Ambrose 入場當晚的演唱會彩蛋環節，是壽星仔呂爵安（Edan）的表演，Ambrose亦有轉發Edan分享一個生了10個小孩的母親患癌的故事片段。本為保險顧問的Ambrose寫道：「尋日聽完呢個彩蛋，心諗佢係咪想寫保險，不過真心好感動。」

未知是否收到大量訊息批評，Ambrose 今（1月23日）再發文解畫：「首先澄清第一樣嘢，本人對AL就冇任何惡意，真心欣賞佢既表演表現，真係精彩的。其次鑽石人在我心目中係一個非常正面嘅角色，佢忠心而且堅強，相信有睇過海賊王頂上之戰都會明白。再深一層既解說，每一粒鑽石都係獨一無二既存在，代表住純結同堅硬；第三因為牽涉到另一位娛樂圈嘅前輩，所以最後都係決定DEL POST會比較適合。」

他又解釋自己沒有嘲笑Edan：「另一方面首先再次澄清，本人對EDAN 十分欣賞，絕對沒有半點恥笑之情。其次岩布仙尼係佢自己講的，我更沒有取笑成份。『保險』二字對我而言，除咗係我嘅職業之外，喺我眼中都係愛與責任，我絕對唔認為呢一樣嘢係個貶義！而佢面對緊嘅果種無法控制無法改變的無力感，係我經常需要面對嘅一個唔好受既情緒。所以昨晚係現場的我，真係好感觸有好深感受，我好有共鳴感。我都忍唔流咗一滴眼淚。所以如果有任何誤會，誠心抱歉。」

他又分享感受，指自己「睇住佢哋12個由參賽，都上我屋企傾點樣去比賽，再去到出去開SHOW，再去到之後大家曾經成為PARTNER。佢哋嘅高低起跌，我都係（喺）身邊。其實對我嚟講佢哋全部都係我嘅朋友，所以我更加唔會對佢哋有惡意。」

又指當中「有一點誤會」，承認自己表達都「未夠好」，會引以為誡：「其實我公開得我個帳戶，我有一直講咁多時事評論嘅事情，其實就係想鼓吹一個更加開放嘅討論空間。所以大家有任何問題或者幫忙都繼續DＭ我，希望可以消取大家嘅情緒，令大家開心返」