劉沛蘅（Hillary）在無綫劇集《叠影狙擊》中飾演楊俊傑（關禮傑飾）的秘書Tracy，在昨晚（29日）一集被楊俊雄（郭政鴻飾）辣手摧花。Hillary拍攝當日穿上行政人員套裝，被2名保鑣用索帶捆綁手腳，挾持到僻靜的天橋底，再被郭政鴻嚴刑逼供，要她講出破壞交易的幕後黑手。Hillary堅稱不知情，最後郭政鴻指使保鑣將膠袋套住她的頭，將她活生生焗死。
Hillary說︰「場戲講我被老闆雄哥殺死，原本場戲係講我被人打死，我仲喺度諗要點樣表達，令效果更逼真。後來導演改咗用膠袋笠頭焗死，始終我真係要笠住個袋，有窒息嘅感覺，令我更加入戲。」
為令效果更佳，站在Hillary身後的保鑣拍攝時更用力索緊膠袋口，令Hillary無法呼吸。雖然只是拍攝效果，Hillary受劇情對白和氣氛等影響完全入戲，一度感到與死神非常接近。她說︰「我第一次拍要死嘅戲，頭先笠住個頭真係唞唔到氣，有一種喺死亡邊緣嘅感覺。我最初有少少驚，因為被人綁住手腳，心諗萬一真係唞唔到氣點算。不過，大家放心，劇組同導演對我好好，只係拍攝效果，有畀我休息唞番順條氣，好照顧我。」
（即時娛樂）
留言 0