藝人洪永城（Tony）主持的無綫綜藝節目《成人教科書》，最新一集探討「生死」，製作組除安排小朋友填死亡證、接受生死教育及體驗生前派對，其中年僅11歲的陳穎朗更百無禁忌躺進棺材體驗遺體化妝，他說：「我覺得同平時瞓覺差唔多，純粹唔會醒咁解。」更指遺體化妝唔恐怖，因每一個人最後都要經歷，不過穎朗父親曾激烈反對，但最後也尊重穎朗意願來進行。洪永城坦言拍攝相關任務過程並不簡單，單是尋找遺體化妝師已遇上重重困難：「好多業內化妝師都覺得幫小朋友化呢啲妝唔吉利，所以都拒絕咗我哋。」
而Tony於填寫「死亡證」環節，除暖男上身希望自己比太太早死，更驚揭到現在仍然懷疑自己不是父母親生：「我細個時屋企人話我聽我喺垃圾桶度執番嚟，一嚟因為我阿哥好靚仔，我好醜樣，二嚟就因為我單眼皮，但我全屋都係雙眼皮。所以細個時我信咗，到依家我都信。」
東網網站 : https://on.cc/東網Facebook專頁 : https://www.facebook.com/onccnews/
