結婚話題講足3個月網民諷麥明詩「仲未結完」麥提醒：「未po完」

1.結婚係人生大事，新娘分享當中甜密，理所當然，但講足三個月，就有機會令人煩厭

2. 自麥明詩於1月30日正式宣佈與盛勁為（Keith）婚訊後，各界一致祝福，自始開結「結婚真人show之路」

3. 翻看過去麥明詩的新聞，包括公開二人過大禮絕密相、婚禮多個造型絕密曝光、傳婚禮搞足3日豪花百萬、三月尾舉行一連三場「勁甜麥」婚宴（後再加一場）、婚後首兩公婆繑到實大曬幸福、婚後即孖男家出遊黃雨闖主題公園

4. 至四月底，麥明詩仍不斷在社交平台上載二人照片，終引發網民發難，直言「睇到厭」，有次她上載結婚外的照片，即被網民稱「終於結完婚肯講下其他嘢」，Louisa回應對方：「其實未講完結婚，唞一唞先。」

5. 麥明詩之後繼續po結婚照，在帖文中寫道：「Sorry真係唔想po咁多嘢阻住大家咁，只不過真係有唔少品牌同埋朋友要多謝番。」文中tag上某中式餅品牌，原來如此，明晒！

6. 粗略估計，除咗嫁喜禮餅，「勁甜麥」婚宴贊助商仲包括：珠寶、PR公司、場地、多間攝影、拍片、set頭、化妝等等等，未知埋單一計，婚宴到底仲要唔要使錢？

7. 當今社交媒體，得like得天下，睇返麥明詩每一個po，動輒過萬like，廣告商當然唔會放過依個機會，皆因贊助少少，成效隨時大過電視賣廣告

8. 但凡事適可而止，由收收埋埋到轉趨高調，到連續三個月洗腦式宣揚，就會引起反效果，有網民就指早前馬國明湯洛雯結得高調引起反感，點知「一山還有一山高，」，「結完婚咁耐都仲要係咁分開PO相邊忽低調呀」、「幾時先結完」

9. 更有網民翻舊帳，理解到為何麥明詩當初與「抽水王」林作拍拖，因為「真係同一類人嚟」

10. 目前為止，麥明詩仍未有收手跡象，而婚前她早已表明，要目標生4個，看來各大母嬰品牌已虎視眈眈，「勁甜麥生仔show」，不日上映！

娛樂