韓國啦啦隊女神李多慧，自從今年宣布跳槽去「小龍女」擔任Captain一職後，負評更如潮水般不斷，日前更有台媒報道李多慧拍廣告時因為要求企C位，激嬲廠商被抽起，並臨時轉用林襄，對此李多慧經理人則解釋道李多慧原意係想取消C位，未料等到拍攝日先被告知替換一事，隨着事件愈演愈烈，李多慧亦晒出嘟嘴唔開心嘅相，認真我見猶憐。
李多慧經理人透露，李多慧韓國嘅經紀公司認為集體合照應該公平，唔應該存在「C位」一說，所以並非外界所言李多慧堅持企C位，表示因為韓國公司同台灣廠商溝通出現誤會，令李多慧拍攝當日先知自己被臨時替換，改由同隊嘅林襄補上，事後得悉情況嘅李多慧心情更係難免受到影響。
東網網站 : https://on.cc/東網Facebook專頁 : https://www.facebook.com/onccnews/