陳小春兒子(Jasper),因為兒時跟爸爸參加親子真人騷《爸爸去哪兒5》而為人熟悉,轉眼間Jasper都已經11歲。雖然因為學業關係,隨後Jasper都冇再亮相電視節目,但私下仍不時在個人社交平台,拍片跟粉絲見面。近日Jasper便上載一條影片,主題是介紹上海,全片更是以流利英語介紹,片中還會訪問外國遊客。
原來這是一個短片比賽,片中Jasper說著流利英語,跟外國遊客亦對答自如,更由於自細已拍節目關係,鏡頭前依然口齒伶俐,完全沒有怯場。不過令網民驚訝是原名陳胤捷的Jasper,在片中顯示已改為陳昊廷,網民推算可能是玄學理由,亦可能是前名太難寫,改一個筆劃較少的。
而講到Jasper的英語能力,不少網民就大讚叻過爸爸,更提起小春曾因英語欠佳在鏡頭前出醜。話說當年陳小春跟黃子華亮相李克勤和梁榮忠主持的節目《殘酷一叮》,當來自菲律賓的選手表演完畢,談起自己從事的行業時,小春表示聽不明白,身邊的子華便立即加以解釋。當時小春突然表示不滿,直言︰「英文唔好唔得呀?你做乜鄙視我?」
當時子華都感到莫名其妙,定下神後便發揮棟篤笑的功力,作出神的回應︰「向你解釋就叫鄙視你,問你攞貼士即係打劫你。」這個秒殺立即惹來全場掌聲,而網民紛紛都說小春自己攞嚟出醜。
留言 33
Tam ma Tam ma
BEST
有睇片都知明明係佢自己玻璃心,黃子華解釋俾佢聽就以為人地笑佢😂係要抺黑黃子華
5小時前
楊修2024
又一個賣仔求錢
5小時前
Postpunk80
咁又係呀!父母愛中國,子女在大陸一定入國際學校,一口流利英語最重要呀!英文好 一生受用!嗱 愛國幾好!
5小時前
Michèle WN
呢篇咩報道?😂講到子華神專登笑佢英文差咁
明明係自己玻璃心⋯
4小時前
小玩意
垃圾偽人,唔好又俾人睇死之後送個愛國仔去外國升學呀😂
記得叫個仔介紹埋疫情時上海點玩法喎🤭
5小時前
顯示全部