陳柏宇怒轟夾公仔機呃錢　貼圖公審：你有冇良心？

歌手陳柏宇（Jason）與符曉薇婚後育有兩女，未知是否為討女兒開心，日前到黃埔一間店舖玩夾公仔，不過就夾到一肚火，嬲得在Threads 出帖怒轟：「你有冇良心㗎？」

陳柏宇昨在Threads 貼出店舖相片，寫道：「呢間喺黃埔嘅夾公仔舖頭嗰個夾直頭當我係水魚嘅。個夾未上到去個頂已經鬆手。咁我寧願你教鬆啲個夾，咁起碼我都仲覺得我有一線生機。大佬呀，你喺上面咁樣鬆手你有冇良心㗎？生勾勾咁呃咗我$25 …」。

帖文即時引起網民共鳴，留言分享自己的不快經歷：「呢間嘢係呃人㗎，$25都唔應該捐俾佢」、「呢間我都有夾過，係破財嘅地方」、「終於到你瀨野，夾公仔根本係一個呃$遊戲，發覺真係冇次夾得中」、「我上次去個間，見住夾上嚟個下，個夾自已會fing，你夾得好準都無用，個夾會fing 開個公仔老遠，fing晒入去，唔好玩就唔會畀佢呃」。

有網民就建議陳柏宇不要在香港夾公仔，「夾公仔一律建議日本，香港嗰班為咗唔畀你出貨，真係無所不用其極」、「香港唔好玩啦，要玩返日本」、「日本平靚正，小朋友仲多嘢玩」、「日本夾好過 成就感大啲」。