近年金價飛升，位於上環嘅百年老店「金銀業貿易場」招牌都要被拆，但現場切咗隻燒豬慶祝，個個金行成員笑到見牙唔見眼，到底發生甚麼事？
事緣今年起，「香港黃金交易所」(簡稱港金所)接替「金銀業貿易場」所有黃金、白銀及貴金屬業務，有助配合政府發展國際黃金交易中心。港金所主席張德熙、副主席謝滿全、副主席兼立法會金融服務界議員李惟宏孖住一眾董事會成員，齊齊幫交易所轉個靚招牌，準備大展拳腳，現場氣氛熱鬧。
港金所唔止換新招牌，仲開咗新嘅社交平台，不時更新資訊、消息，希望可以更貼近新一代投資者。張德熙早排講明，港金所會延續同繼承貿易場嘅身份和角色，繼續為本地黃金市場服務。
東網網站 : https://on.cc/東網Facebook專頁 : https://www.facebook.com/onccnews/
留言 0