請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

邱傲然拍MV不忘自肥 搜羅罕見汽車入鏡 燒車畫面延續電影感

明報

更新於 03月06日16:37 • 發布於 03月06日08:27
Tiger拍MV不忘自肥,除搜羅多款靚車入鏡外,還有燒車場面延續電影感。(大會提供)
Tiger拍MV不忘自肥,除搜羅多款靚車入鏡外,還有燒車場面延續電影感。(大會提供)
Tiger為拍新歌MV,把長頭髮剪短,再戴上眼鏡,一副青年才俊的模樣。(大會提供)
Tiger為拍新歌MV,把長頭髮剪短,再戴上眼鏡,一副青年才俊的模樣。(大會提供)

繼MIRROR成員陳瑞輝(Frankie)歌曲《皮思苦》MV早前上架後,昨晚(5日)輪到邱傲然(Tiger)歌曲《Alright》MV登場。為配合MV劇情,Tiger剪短頭髮,愛車如命的他更自肥,在MV中找來多部罕見車款亮相,另外又有燒車畫面,令MV充滿電影感。

Tiger今次飾演MV中的主角,扮演失意打工仔,生活上有很多不如意事,某晚發生一些事情,給予他啟示,突破內心固有框框,頓然感悟,其實很多人與事,都可以輕易Alright。MV中除了Tiger還有其他人客串演出,他說:「MV裏面有好多我好鍾意嘅人,仲有朋友,其中包括作曲嘅天衡。」

鍾情四個轆的Tiger,總愛在其作品中加入罕見汽車,例如在他執導的《是日精選》以及演唱會短片,或是今次MV,他都自肥成功,要求加入多款較少見的車,他說:「MV有幾架少見嘅車,其中包括俗稱『大發仔』嘅日本K Car,另外仲有斯文得嚟又有啲款嘅舊款保持捷,而我喺MV裏面揸嗰架主角,就係70年代嘅Corolla,𠵱家仲保存到覺得好難得。其實呢架Corolla,係演唱會我執導嗰條短片裏面出現過,今次算係呼應自己作品。」

今次汽車在MV中所佔的戲分甚重,除了罕有靚車巡禮外,更有燒車情節,Tiger為了拯救愛車,更不理危險衝前撲火,險象環生,Tiger說:「我又冇好擔心,反而見識得多咗係最大感覺﹑同埋最擔心自己反應演得唔好要NG,因為放火好大陣仗,要Reset再演唔容易,再加上時間比較緊迫,希望做到導演收貨嘅動作反應。」Tiger演繹交足功課,一Take搞掂,撲火一幕也為MV加添電影感。

Tiger把長頭髮剪短,再戴上眼鏡,一副青年才俊的模樣,他笑言:「今次為MV剪了新髮型,記得出道第一年係短髮,之後就開始長頭髮,呢個係好突破嘅髮型,自己好喜歡,睇下大家有咩睇法。」

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。