請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

I SWIM|呂爵安吳海昕爆「師生戀」 網民唔Buy:破壞晒套劇

呂爵安和吳海昕在劇中的師生戀劇情,網民不太受落,彈多過讚。(ViuTV截圖)
呂爵安在劇中畫了人像畫給吳海昕,該人像正是Miss翁,不過Miss翁派檸檬。(ViuTV截圖)
不少網民留言對今集劇情感不滿。(ViuTV截圖)

ViuTV原創劇《I SWIM》今晚(20日)播出第8集,劇情講到暗戀Miss翁(吳海昕飾)的李馬榮(呂爵安飾),相約Miss翁見面,他還拿出人像畫送給Miss翁,並向對方表白:「呢個人對我嚟講好重要,亦是我第一個鍾意嘅人,分數幾多唔重要,我只想知道願意定唔願意?」

Miss翁認為2人時機不對,她說:「Sorry﹗(因為年紀定身分?)係timing﹗(乜嘢timing?)你就快DSE,我想你專心讀書,唔只等你畢業,仲要等你升上大學,等你遇到同你一同成長及進步嘅人,你先會知道乜嘢係真正嘅喜歡,你依家嘅世界太細,1年後你嘅想法亦可能唔一樣,你會覺得,鍾意就可以,我細個都係咁諗,但是時間係返唔到轉頭,我知道你做乜都好努力,我都多謝你將呢份力量帶畀我,但呢個世好多事情,唔係努力就可以控制到,反而要時間沉澱,或者我哋畀啲時間大家,我唔想我哋未準備好就勉強開始,我唔希望有一日我哋會憎恨大家,我都係走先。」

不少網民留言稱今集劇情離奇跌Watt,除少了游水戲分兼沒有黃亞樂(邱士縉飾)出現外,對劇中這段「師生戀」彈多過讚:「好心Cut咗條線」﹑「搞乜師生戀,破壞晒套嘢」﹑「根本變咗另外套戲」﹑「知唔知乜嘢叫爛尾」﹑「ISWIM定ILOVE?」﹑「我想睇Stanley同Alton」等。

(即時娛樂)

查看原始文章