王嘉爾泰國被粉絲硬拉落車　驚險摸肚呆站20秒

前韓團GOT7香港成員王嘉爾（Jackson）爆紅全亞洲，尋日（22日）佢就喺泰國出席活動，結束後卻發生令人矚目驚心一幕，更被女粉絲直接拉落車！現場大批粉絲圍住Jackson上保母車，正當佢喺保母車上同現場粉絲揮手道別時，數名保鏢張開雙手阻擋聚集走道兩旁，點知有位女粉絲睇正保安漏洞，如入無人之境突然行去Jackson身後，仲從背後將佢拉落車，再塞紙條到去佢懷中。

被嚇到呆晒嘅Jackson，就企喺原地接近20秒之久，期間佢都摸摸自己個肚，檢查有冇受傷。雖然最後保鏢趕緊上前將該女子拉走，但在場粉絲都睇到一額汗，指好在該女唔係拎住刀，否則偶像安全堪慮。而Jackson事後都有拍片報平安。

東網網站 : https://on.cc/東網Facebook專頁 : https://www.facebook.com/onccnews/