零食食譜不可少！全家留家抗疫，媽媽一日張羅5餐，最需要食譜！而市售零食多糖多油多色素多防腐劑，怎放心讓小孩放入口！想小朋友食得安心，家長們不妨參考以下14個簡易零食食譜，其中一些零食食譜更可與小孩一起做零食，令親子時光更有趣！亦不妨參考香港學童的營養指引。
撰文&圖片：活力媽媽、暴龍媽媽、Alfred成長日記、迪比媽媽、Zareen小煮意、小小豬Kinsey
14款少油少糖零食食譜
零食食譜1. 超簡易蕃薯曲奇
平常我們都會慎選小朋友零食, 而用蕃薯做的曲奇總算是比坊間購買的餅乾曲奇來得健康,蕃薯本身已經帶有甜味, 所以不用添加任何調味料已經非常好吃!而且做超簡易, 手殘煮婦像我都一定做到, 絕對是零失敗的零食食譜啊！
材料:
煮熟蕃薯1個,
雞蛋1隻
橄欖油1匙
做法:
1) 先把已經煮熟的蕃薯壓成蓉
2) 把雞蛋攪成蛋漿, 然後加入1匙椰欖油
3) 把已加入橄欖油的蛋漿混入蕃薯蓉, 再攪勻
4) 放入唧花袋, 唧出一顆顆的曲奇
5) 一顆顆的蕃薯曲奇已經成形 (小朋友的唧花技巧大概都是如此, 如果是大人唧會好看很多 XD)
6) 放進焗爐, 調校至160度, 焗10-15分鐘左右便完成! 媽媽可以觀察蕃薯曲奇表面已經焗至有點乾身便完成,蕃薯本身已經是熟的, 蛋漿放進焗爐一陣子就熟了, 所以這款曲奇不需任何技巧都可以做到~
完成後可以讓小朋友自己拿上手吃, 雖然說是曲奇, 但其實口感軟軟的, 不是平常脆卜卜的餅乾口感! 另外身邊有些朋友的小孩不愛吃雞蛋, 而這款把雞蛋神不知鬼不覺地混進去, 小朋友吃進肚裡也不知道 (對付偏食小孩有時候都要用這些招數 XD)
零食食譜2. 花生朱古力曲奇
材料（大概15-16塊）：
低筋麵粉 80g
黃砂糖 40g (但因為材料會有朱古力粒和花生醬，所以我將糖減到20g, 大家可以跟自己對甜的喜好調整）
鹽 0.5g
泡打粉 2g
雞蛋 1/2 顆
無鹽奶油 40g
花生醬 40g (我喜歡有咬感，所以我選了有花生粒的花生醬）
朱古力碎豆 大概50g (我沒有刻意量，只是隨意放在餅面，覺得靚便可以。我亦選了半甜的碎豆）
做法：
先量好奶油及花生醬，然後待室溫變軟後，用打蛋器混合。再加入糖及鹽。
然後加入過篩的低筋粉和泡打粉。
再用刮刀攪拌成麵糰。
將麵糰分成大概每個12g大小。
零食食譜3. 自家製 Minion公仔卡通曲奇
材料：
低筋麵粉 120克
杏仁粉 20克
糖粉 60克
鹽 0.5克
雞蛋 20克
無鹽奶油 70克
香草油 3克 （我沒有加這潻加物）
做法：
先將糖粉、鹽和室溫軟化的牛油放在一起，用打蛋器攪在一起。
攪到完全混合後加入蛋汁，將混合物打至順滑。
然後將杏仁粉過篩、低筋粉過篩。成麵團後用保鮮紙包著放入冰櫃雪三十分鐘
三十分鐘後從冰櫃取出後分開十份麵團，然後將它放進印模內。
印好後放在烤盤內，再放入已預熱的焗爐用170度焗二十分鐘。
焗好已印有Minion公仔印的曲奇非常受小朋友歡迎呢！
零食食譜4. 少油少糖 簡易版蔓越莓曲奇
一直很想做一個寶寶版的簡易 曲奇 ，既想少油、又想少糖，味道不錯之餘，最好又易操作。（媽媽很貪心 XD) 此 蔓越莓曲奇 零食食譜材料非常簡單，而且用了生果乾的甜度代替大量去使用糖霜，微微的乾果甜，加上曲奇的酥酥脆脆，更不需要打蛋器操作，身為一個初學者，操作起來也不會很難喔～
材料：
1) 低筋麵粉 230g
2) 植物油 65g
3) 糖霜 35g
4) 蔓越莓乾（Cranberry）45g
5) 雞蛋一顆
做法：
1. 先將植物油融化；
2. 加入糖霜攪拌均勻成黏稠狀；
3. 將雞蛋加入，拌勻備用；
4. 將已過篩的低筋麵粉和蔓越莓分次加入，用手將麵團輕揉成一個均勻柔軟但不黏手的狀態。
5. 麵團以保鮮膜包起成長方形，放入雪櫃冷藏30分鐘至1小時鬆弛筋性。（Alfred媽冷藏約60分鐘）
6. 以小刀切成每塊約0.5cm直徑的餅乾，輕輕移至鋪有烘焙紙的烤盤上， 以150度焗約18~20分鐘左右。
7. 焗完的餅乾請放涼約1小時後才以密實袋或盒存放。
Alfred媽小叮嚀 Notes：
- 此餅乾是少油少糖版，Alfred媽試味後，除了乾果的甜味外，餅乾就只有酥脆沒有甜甜的感覺。因為這樣就會比較健康。如果喜歡甜甜的話，可按個人喜好增加糖霜份量（約70-80g）。
- 可用任何味道的植物油，例如：葡萄籽油、葵花油、芥花油等，甚至可因個人喜好使用牛油（味道會再更香更酥）。Alfred 媽則今次用了椰子油。
- 如輕揉麵團時覺得麵團有點乾，可逐少加入植物油再輕揉。
- 如不想用果乾，可直接將糖霜份量調高，做成普通曲奇。
- 請確保小朋友對以上食材沒有敏感方可使用。
零食食譜5. 香蕉燕麥餅
呢個餅不像傳統餅咁香脆，食落有 香蕉 香甜味，也有燕麥的煙韌咬口，這個做法相當簡易，無糖、無粉、無油亦無泡打粉的健康原味餅，絕對適合任何人，當然也合小朋友口胃的健康食譜。
材料：（約11塊）
熟香蕉 1條
即食燕麥 60g
提子乾 約 25g
做法：
零食食譜Tips:
1.見議香蕉要熟透有斑點出現，效果更好，食落香甜得多。
2.如果分成數量愈少，焗的時間要耐一點，例如分成8塊，有可能要焗15分鐘左右，要視乎家的焗爐以定。
3.焗必需要用牛油紙，以免痴底。
4.因呢排天氣潮濕關係我先用防潮包，其實食得快可以不用的。
5.這個餅焗出來不是香脆的，有點少少淋淋的質感，是正常的。
零食食譜6. 自家製零食 芝士魚仔餅
呢款零失敗「芝士魚仔餅」，做法好簡單，同場會教埋大家用汽水罐整「魚仔餅模」。
材料：
– 4安士車打芝士 切絲
– 30g牛油 切粒
– 1／2杯 麵粉
– 1／3湯匙 鹽
– 2湯匙 冷水
做法：
1.將材料放盡食物處理器中（水除外），攪拌，直到麵糰呈粗沙狀。
2.慢慢加入水，每次加入1湯匙，攪拌。
3.從處理器中取出麵糰，用保鮮紙包裹住，然後放盡雪櫃冷卻20分鐘。
4.打開麵糰用餅模印模，然後整齊排好在牛油紙上。
5.放進預熱至170度的焗爐，焗15-17分鐘，或直至酥脆即可。
【 DIY魚仔餅模 】
如果沒有同款的曲奇模，也無需擔心，接下來我會教大家用汽水罐DIY魚仔餅模，方法簡單，好易整！
1.首先用鉸剪剪開汽水罐瓶身，剪成有一定寬度的長條狀。
2.然後用鑷子將鋁條夾出魚仔形狀。
迪比媽媽小貼士
1.車打芝士份量可以個人口味稍作調整。
2.隱沒後，可用牙籤來製作魚仔的眼睛和微笑。
3.用汽水罐整魚仔餅模時，要小心鋁罐刮手。
零食食譜7. 兔仔朱古力夾心曲奇
份量10-12塊，製作時間30分鐘。
曲奇皮材料：
牛油（室溫） 200g
糖霜 150g
蛋 1隻
低筋麵粉 535g
牛奶 45ml
夾心及裝飾材料：
牛奶朱古力 150g
糖珠 適量
做法：
﹣牛油加糖霜打勻。
﹣加蛋打滑。
﹣分次篩入麵粉拌勻。
﹣加入牛奶，再拌勻至完全混合。
﹣轉用手搓勻成圓球狀。
﹣輕輕壓扁曲奇皮，底面鋪上保鮮紙。
﹣用面棍碌平約0.5cm厚。
﹣放入冰櫃雪最少30分鐘。
﹣用曲奇模吸出形狀，放入已預熱160度的焗爐焗15-20分鐘，取出放涼備用。
﹣朱古力用微波爐或隔水座溶，放入唧袋。
小貼士︰可用密實袋代替唧袋
﹣將一塊完整曲奇與有圖案的曲奇塗上朱古力合上。
﹣朱古力兔仔唧到8至9成滿便可。
﹣用朱古力筆畫上兔仔樣子
﹣點少許白朱古力貼上糖珠。
完成！
零食食譜8. 無牛油淡味薑餅
（適合1歲以上，或已試全蛋的幼兒）
材料：
薑粉 20g
黑糖 10g
中筋麵粉 100g
植物油 10g
全蛋 1隻
做法：
1. 以180度預熱焗爐10分鐘
2. 用電動打蛋器把植物油、黑糖、雞蛋打勻
3. 分兩次把麵粉篩入（2）
4. 再篩入薑粉，用刮刀拌勻
5. 把混合物搓成光滑麵團
6. 用木棍壓平麵團
7. 以曲奇模印出圖案
8. 焗盤放上牛油紙，把曲奇放上焗盤
9. 以180度焗20分鐘，完成
零食食譜9. BB版少糖卡通曲奇
材料： (大約20-25塊）
低筋麵粉 140g
糖霜 25g （我覺得可再減糖）
無鹽牛油 60g （80g 就香濃D)
奶粉 5g
蛋黃 1個
做法：
1. 已溶牛油加糖霜混合好，之後加入蛋黃再攪好
2. 加入已過篩的低筋麵粉 及 奶粉
3. 用橡皮刮刀攪拌成麵糰 至 無粒粒
4. 用保鮮紙包好麵糰放雪櫃30-40分鐘
5. 轆平麵糰 (約4-5mm厚)，印出卡通造型 或者 切成長方形，什麼形狀也可
6. 焗爐預熱180度10分鐘, 180度焗10-12分鐘
YUMMY~~~
小tips: 曲奇可先焗5分鐘；之後睇睇烘烤程度再焗3-5分鐘比較容易控制金黃程度
建議12個月以上寶寶享用及對蛋無敏感之寶寶
零食食譜10. 仿Mrs. Field 軟曲奇
《30塊分量》
材料：
中筋麵粉 300克
有鹽牛油 228克
泡打粉 1/2茶匙
鹽 1/4 茶匙
黃糖 160克
白糖 100克
朱古力釘 300克
雲尼拿香油 2茶匙
蛋 2隻
💡重點在於牛油處理，一定要用凍牛油打，先出到軟淋淋效果架!
1. 先將糖類拌勻。
2. 牛油打發前先從雪櫃拿出。切成粒狀。
3. 將牛油加入糖，打勻。
4. 加入雞蛋及雲尼拿油，用打蛋器慢速拌勻。
5. 拌好粉狀物，包括 麵粉，泡打粉，鹽。
6. 篩入粉狀物拌至無粒狀。最後加人朱古力釘。
7. 將曲奇料放雪櫃雪 30 分鐘。
8. 之後拿出，用雪糕羹將曲奇料平均放焗盤上。
9. 焗爐預熱 150c, 焗 15分鐘，就可以出爐喇
🍪!
零食食譜11. 朱古力曲奇餅 Nutella cookies
網上間中都見到用 Nutella 做嘅甜品，一直都好想試但又驚佢好甜。終於嗰日行 supermarket 見到減價，買咗一樽，返屋企試吓加落 cookies 度，又幾好喎。而且難度唔高，小朋友可以處理到，仲可以當親子活動，一舉幾得。
材料：
無鹽牛油 100g
砂糖 90g
自發粉 125g
蛋 1隻
雲尼拿油 半茶匙
入爐朱古力粒 隨意
Nutella 醬 少許
做法：
牛油先放室溫至軟，推至軟身，加入砂糖，攪至淡黃色。
隨後加入蛋醬及雲尼拿油
3.篩自發粉到 2, 輕手混合。如喜歡，現在可加入朱古力粒
4.拌好後，用保鮮紙包好，放雪櫃雪 15 分鐘。
5.用匙羹拿出曲奇粉團，搓圓。在中心輕力按一個小孔包入少許 nutella 醬，封口，可搓圓。
6.預熱焗爐 180度，焗 15 分鐘即可。
Tips：
1. 拌入自發粉步驟避免小朋友處理，因為要輕手攪，如過量攪拌，好容易起筋，令曲奇唔鬆化
2. 如不加 Nutella 醬，嗜甜的，可加多 10g 砂糖
零食食譜12. Peppa Pig餅乾
材料：
無鹽牛油 100克
雞蛋(打散) 2茶匙
低筋麵粉 200克
梳打粉 1/4茶匙
糖霜 60克
鹽 1g
雲尼拿香油 數滴~
當然最重要嘅就一定係….Peppa Pig曲奇模，真係勁可愛呀~
做法：
先將牛油放至室溫，待軟化後就用打蛋機打散~
然後打入糖霜，再用打蛋機以低速拌合~
蛋漿分兩數次加入~
然後再用打蛋機攪勻~
加入雲尼拿香油(如果唔喜歡可以不加嘅)~
用刮刀拌合好~
篩入麵粉、梳打粉及鹽~
然後搓勻成粉團狀~
粉團用面棍壓至0.5cm 厚~
可以用曲奇模印出形狀，想印得靚啲就可以係印之前將曲奇模沾上低筋麵粉，之後再敲敲曲奇模去掉多餘麵粉，咁個曲奇樣就會明顯啲又易印啲呀~
密密印…密密印…成個Peppa Pig嘅曲奇印好啦~
放入己預熱至180℃的焗爐，焗約12-15分鐘~
出爐啦….見到啲咁可愛嘅製成品，真係勁有成功感呀~
我依個份量大約有26塊，帶左一包去接小小豬放學，仔仔仲自豪咁拎住啲曲奇餅周圍話俾同學知係佢媽咪整俾佢食，真係俾佢笑C呀~
朋友仔今次教我嘅嘅曲奇除左令我好有成功感之外，佢個味道都真係唔錯，鬆脆得嚟又唔太甜，所以小小豬一次過食左十幾塊都唔會覺得口渴。
原來係佢將砂糖改為用糖霜有關，用糖霜少啲甜之外，做出嚟嘅曲奇面都會滑身啲，冇平日用砂糖咁多粗粒粒，所以做出嘅曲奇就可以又靚仔又好味啦！
零食食譜13.零失敗 公仔印模曲奇
材料：
牛油 100克
低筋麵粉 230克
幼砂糖 60克
蛋 1隻
鹽 2 克
做法：
1. 現在牛油放回室溫，令到牛油軟身。
2. 碗內放入牛油，用打蛋器慢速打軟牛油。
3. 加入糖及鹽，打至變白。
4. 現在分2-3次加入蛋，慢慢開始用高速打發。
5. 篩入麵粉，用切拌法拌好。（動作要快，唔好攪太耐，避免麵團起筋）
6. 拌好後，可以用手弄好麵團。
7. 將麵團放上保鮮紙，再放多一層保鮮紙， 將麵糰碌平。再放入雪箱雪30分鐘。
8. 30分鐘後，取出曲奇麵團。
9. 準備少少麵粉。曲奇模先放麵粉上， 沾上麵粉可避免印曲奇時麵團黐喺曲奇模上，影響外型。（這個步驟可以完整印出得意公仔樣！）
10. 預熱焗爐 180度。印好後，將曲奇放焗爐，焗 12-14分鐘，就得架喇!
零食食譜14.乳牛餅乾
材料：
低筋粉 170克
煉奶 100克
無鹽牛油(室溫) 60克
鹽 1/4茶匙
雲呢拿香油 1茶匙
可可粉 30克
做法：
1. 預熱焗爐至攝氏180度。
2. 碗中加入牛油、煉奶及鹽，用電動攪拌機拌勻。
3. 加入雲呢拿香油拌勻。
4. 加入已過篩的低筋粉，用刮刀拌勻揉成麵糰。
5. 取出1/5麵糰，與可可粉混合。
6. 將原味麵糰用擀麵棍擀平，在上面加上捏成一粒粒的可可麵糰，再次用擀麵棍將麵糰擀平。
7. 用曲奇模印出麵糰。
8. 放入焗爐中焗8-10分鐘，出爐放涼即成。
點擊看原創食譜 食譜及相片提供：DayDayCook
留言 0