【Sally出遊】3日2夜蘇梅遊(下)壯觀玩火表演+出海浮潛

LINE TODAY 發布於 2019年05月18日00:00 • 想飛的sally

上次講完蘇梅交通攻略及住宿分享,今次就同大家分享我在蘇梅行程啦。蘇梅交通不便,所以好多人都會在出發前預訂當地的day trip,出海遊玩或觀賞古蹟,免卻計劃行程的煩惱。不過Sally仲懶,基本上留在度假村內消遣,再靠酒店幫忙安排不同活動,例如烹飪班、探索紅樹林或出海浮潛等,而且更可於入住時才查詢預約,最後Sally什麼都沒有準備,但都行程滿滿,過了一個既充實又悠閒的假期。

遲咗少少出下篇,Sally貴人事忙,冇辦法啦。為表歉意,送上海中動感自拍照畀大家!

燒烤之夜及玩火表演

第一日到埗酒店已3點多,便選擇留在度假村內,享用房內的私家泳池,然後在晚上參加逢周末在Essence餐廳舉行的BBQ night及Fire show。起初Sally以為BBQ night是自己的肉自己燒(慣了香港模式),原來是一個價錢任食,更有專人幫你燒肉,亦有前菜、水果及甜品等供應。BBQ night由晚上6點半開始,到了8點,一場真狂熱、堅精彩的Fire show就會在沙灘上演,全部係用真火上陣,剩係喺旁邊睇都覺得好刺激,最後一個表演仲好壯觀同好靚!

Essence餐廳
可自行挑選食材,款式不多,有2款肉類,4至5款海鮮及一些蔬菜,整體而言質素不俗。
在沙灘看玩火表演。
最後一個表演好壯觀!

出海浮潛

第二朝酒店幫我地安排了boat trip,坐著東南亞傳統船隻「Long tail boat」,於酒店內的沙灘出發,超級方便。由一位泰籍船家兼導遊帶我們出海,去了一個人煙稀少的美麗小島浮潛及玩水,酒店更為我們準備好午餐,眨下眼就過了一個早上,整個行程大約3小時。

就在酒店的沙灘出發,啱晒懶懶的sally。
帶我們到處遊玩的導遊。雖然他只懂簡單英語,卻無阻他的親切招待。
浮潛時看到不少美麗的虎魚及珊瑚。
最後的行程我們被帶到一個小島上小歇,喝了香港價錢的椰青……好彩又大又甜。

水療按摩

來到泰國又點少得做spa?出完海,我們留在酒店做spa,放鬆一番。其實酒店內的spa比出面起碼貴一倍以上,但因為佢地畀咗折扣我地,就本住「人一世,物一世」的心態去試下啦,結果簡直覺得物超所值。

我們揀選了做60分鐘招牌按摩,不但做spa前後均有提供飲品,按摩師事前更會替你做問卷,細心了解你的需要,是要徹底放鬆,還是提升精力。然後挑選自己喜歡的精油味道,換好衣服就可進行按摩。雖然沒有拍下按摩房的照片,不過那裡環境幽靜,緩緩音樂教人心境放鬆,更不得不提,按摩師的手勢十分之好!

歡迎飲料。
大家估下sally揀咗邊款精油?

遊拉邁夜市

蘇梅的夜市有幾個,除了最大型的「查汶夜市」星期一至六都有開,其他的夜市都會在每星期只開一日,大家想去某一個夜市的話,記得留意它的營業時間。我地今次就去了只於星期日營業的「拉邁夜市」,位於蘇梅島的南側,基本上都係坐篤篤或的士前往。拉邁夜市與一般夜市一樣,有多款美食檔攤,Sally同朋友們都瘋狂掃街。至於購物方面,大部分都係遊客產品,而且同一商品會重複在多檔見到,沒有太大特色,價錢又貴,所以Sally覺得來醫肚就好,除非是逼不得已要買手信,如果唔係都唔會買到啲咩啦。

芒果是泰國必食。
還有香蕉pancake。
呢個好似章魚燒的椰子煎餅,Sally第一次見,好香好好食。
有豐富蛋白質的「食物2.0」大家又啱唔啱?

拉邁夜市
營業時間:逢星期日下午五時至晚上11時
地址:拉邁海灘路

瑜伽兼打卡

最後一日因為我地11點就要去機場,所以我哋冇特別行程,早上在酒店做專為初學者而設的免費瑜伽,然後食埋早餐,留在酒店內影相打卡,咁先證明到自己過咗個寫意悠閒的假期架嘛。

在 Instagram 查看這則帖子

Yogis, find your balance and breathe deep on the beach. #AvaniSamui #AVANIhotels #travel #KohSamui # #kohsamuiisland #AmazingThailand #Thailand #TravelGram #Wonderful_Places #travelingram #letsgoeverywhere #travellushes #placetobe #placestogo #placestovisit #places_wow #travel_captures

Avani+ Samui Resort(@avanisamui)分享的帖子 於 PST 2018 年 12月 月 14 日 9:17 下午 發佈

Avani+ Samui Resort
地址:53/5 Moo 4, Phang Ka, Taling Ngam, Koh Samui, Surat Thani 84140
網址:www.avanihotels.com/en/samui