春夏好天氣當然要多出門，除了穿得美美影靚相，帶埋有貼心功能的裝備就更醒神。近年產品設計愈趨時尚的TUMI，今季帶來季節限定、充滿熱帶氣息的系列外，亦細心加入了不少便利旅遊的設計，平衡了美觀與實用兩者。
現今個個人機不離手，即使去到外地都要打卡、上社交平台，全新Alpha 3備有炭灰色及剛果紅葉圖案外，新加入的USB充電位亦是亮點之一，好方便大家隨時叉電緊貼世界。然而閃閃的銀色位其實好礙眼，破壞了靚喼的整體觀感，品牌就聰明地在外加一塊小蓋，完美隱藏充電位，非細心留意真的找不著。另外，行李箱加入雙開口設計，除了旁邊開，前面亦有拉鏈打開儲物空間，即使收拾好行裝後再加小物亦不用多費氣力閂篋，好適合同本小姐一樣愛last minute shopping的朋友用。
隨身的背囊亦都加入一系列貼心細節，好似Harrison系列的電腦格有位入到大儲物空間，整理行李時就毋須左開右開。主打商務人士的Arrivé，拉鏈製成了磁石扣，可以緊緊貼著袋面，減少它們擊撞時發生的噪音，顯得整個人更優雅。今季又多了輕巧的迷你背囊款式襯晒如CHOCO的嬌小姊妹，雖然容量小，背脊亦設計了開關位，更方便使用。
