最近有外國電影譯咗個令人尷尬嘅中文名稱，掀起電影海報改圖嘅熱潮。環境局代言人大嘥鬼亦都有樣學樣，喺其社交平台專頁貼出玩諧音嘅電影海報，話希望大家要「橫簿」(環保)喎。點知大嘥鬼呢個擺到明係抽水嘅做法，好快就畀網民抽返轉頭啦，話龍尾搞到生態災難，仲要填埋大嶼山區啲海域，有乜嘢資格講環保喎。
大嘥鬼嘅專頁貼出「橫簿」電影海報，話「阿鬼三更回魂，一嘢收你簿」，末端仲寫明「不會上映」添，仲乘機呼籲網民，話無論橫簿、直簿、單行簿定雙行簿，最緊要係寫晒先用新，咁先係環保喎。
大嘥鬼此舉是否諧趣，見仁見智。但有網民留言話佢「終於貼地了」，亦有網民問幾時推出肺止(廢紙)、婚淚(分類）、直豎(植樹)嘅大電影喎。之不過，有網民就留言話龍尾搞到生態災難，遲啲仲要填埋大嶼山區啲海域，有乜嘢資格講環保？亦有網民話係大白象前面，大嘥鬼係好渺小咁話。
東網網站 : https://on.cc/東網Facebook專頁 : https://www.facebook.com/onccnews/