去年Edan呂爵安的多首大熱作品填詞，都由黃偉文（Wyman）填詞，今年受惠於Wyman的歌詞，就有同為「新人王」的MC張天賦，新歌〈小心地滑〉今日起在各大音樂平台上架，MC直言新歌難度非常高：「暫時係最最最難唱嘅一首，一take過都未必得。」
最近MC張天賦接受音樂平台訪問時透露，為了讓樂迷看到更多面向的自己，決定挑戰新曲風，以搖滾方式唱出因果報應。他說當初跟作曲人徐浩聊天，給了一首歌對方參考，隨後再找來黃偉文（Wyman）填詞：「當時冇話咩題材，而當時我有啲唔好嘅新聞，呢首歌又好激昂，不如就用呢個世界做題材。Wyman就提議不如寫因果，用小心地滑做主題。」
〈小心地滑〉副歌是「全個世界 都有地板 別不小心 望少一眼」，MC最初也擔心歌詞奇怪，但最後配搭出來後有特別效果：「睇落平平無奇嘅一句，用簡單幾隻字形容咗，邊度都有危機。」
至於歌詞的最後一句「祝你盡量長壽些 病夠幾千晚」，MC解釋刻意「唱到歪晒」。「徐浩叫我攞癲啲嘅心情、反差好大嘅感覺去唱。呢首歌係原本一個好善良嘅人，好相信善有善報、惡有惡報，然後開始見到啲人都冇得到應有嘅報應，個人由好變到Dark。去到最後係爆發，特登用啲乞人憎嘅聲唱。比起單純嘅憤怒吶喊，不如畀你睇，一個正直嘅人去到要變奸嘅嗰種鬼祟詛咒。」
今次新歌並非過去大路情歌風格，卻是以搖滾方式唱出怒氣，MC坦言希望給大家看到自己的另一面，亦想挑戰一下這種曲風。他坦言因疫情關係未能安排拍攝MV，所以MV以CG的創新方式呈現。
至於填詞人Wyman在IG表示，希望各位樂迷聽得痛快：「〈小心地滑〉呢個歌名，我好鍾意㗎，其實袋住咗起碼幾年，本來一直想寫兩個人一齊甜蜜地ice-skating ，感情上嘅如履薄冰，咁嚟拆呢四個字先至似（以前快快樂樂嗰個）我嘅風格吖嘛。後來生活有咗其他嘅經歷，決定改為而家呢個寫法。希望你都聽得痛快！多謝呢套旋律否則我唔會寫到呢份歌詞，亦都多謝呢把聲音否則我寫到呢份歌詞都冇用。」
