七魔女｜鍾麗淇48歲生日佘詩曼狂影獨照　姚樂怡被整蠱畫花面

「七魔女」再次合組！今日（3日）是鍾麗淇48歲生日，一眾好姊妹包括梁靖琪、湯盈盈、周家蔚、佘詩曼、文頌嫻及姚樂怡，齊齊悉心打扮盛裝出席鍾麗淇的生日飯局。

繼今年中齊齊到泰國度假後，「七魔女」經常聚會祝賀生日，今日鍾麗淇48歲生日，眾人各自貼出合照及與壽星女鍾麗淇慶生的照片，當中以阿佘最興奮，一連貼出3張與壽星女的獨照，簡單寫道：「又是一個充滿笑聲的晚上，生日快樂，愛你。 」

早前眾人慶祝姚樂怡51歲生日時，壽星女捧住蛋時，各姊妹圍埋吻賀姚樂怡，梁靖琪和文頌嫻出手揩蛋糕忌廉在姚樂怡面上，最後姚樂怡個蛋糕更跌了落地，地面搞笑。今次姚樂怡在小紅書貼片，她寫道：「出生在不同地方不同文化不同語言，但我們依然能成為閨蜜，永遠的好姐妹，鬼妹仔生日快樂，愛你#鍾麗淇」。

從影片可見，壽星女的鍾麗淇身穿黑色吊帶晚裝，周家蔚則笑說：「我哋今日唔會掂蛋糕」此時，鍾麗淇竟偷偷用食指沾上蛋糕cream，並快手塗在旁邊的姚樂怡的鼻子及面上，中招的姚樂怡嚇到花容失色尖叫，湯盈盈更踩多腳伸手捽姚樂怡面上的cream，姚樂怡立即發圍，各人散開，姚樂怡成功捉實周家蔚，並跟對方面貼面，把cream揩向周家蔚，然後大叫：「湯盈盈呢？」湯盈盈害怕地說：「唔關我事！」