方力申（小方）今天（21日）在社交平台宣布家中添了新成員，他飼養了1歲幾的紅綠金剛鸚鵡，並稱牠做「龍兒﹑小龍女」，牠表示鸚鵡懂說「哈佬」同「做緊咩啊？」，小方寫道：「佢係一嚟到就識㗎喇，唔係我教嘅，不過唔知點解，係佢唔鍾意定係點，佢唔鍾意飛，同埋好驚學飛，撞嚟撞去咁，搞到我都驚同佢練習，希望大家俾啲建議我，唔該晒。」
小方表示「龍兒」好鍾意男人：「異性相吸，仲特別黐我，好嗲我，好似個BB咁。原來龍兒個身冇味，啲便便又唔臭，暫時都好似好容易打理。」小方笑指龍兒「冇大冇細」，他寫道：「龍兒就唔係好識做人，可能佢真係唔係人。連我阿媽同姐姐都唔畀面，佢哋想摸佢都唔畀㗎，凶神惡煞想食咗人咁，但最經常照顧佢，其實就係呢兩位阿姐喎。
偏偏佢就真係當咗人哋係姐姐，老馮照顧佢起居飲食，清潔佢啲大小便咁，真係大支野（嘢）。又要求建議，事關佢有成六七八十九年命，真係有排相處，及早攪（搞）好關係，對大家都有好處㗎嘛。」
（即時娛樂）