網上熱話｜港男冒險樂園掟中藍圈判砸界　網民：報得警

冒險樂園的「掟彩虹」遊戲再次引發爭議！近日，一名男網民在大埔某間冒險樂園玩「掟彩虹」，上載的照片顯示他的代幣幾乎落在藍圈大獎範圍內，但仍被職員判定「唔中」。他感到不滿，於是在社交網絡上分享照片，請求網民評理。然而，由於樓主的多張照片均以斜角度拍攝，讓網民難以從單一角度做出判斷，惹來網民熱議。

「過於手緊」VS「底線砸界」

不少網民對樓主表示不平，紛紛留言支持，認為應該「有冇搞錯」、「報得警」、「邊間？叫職員自己放個中嘅睇吓」、「全中喎，個職員要驗眼啦」、「叫佢影比你睇點唔中，叫埋經理。」亦有網民批評涉事職員過於嚴格，質疑：「其實中大獎每月係咪有數，如果唔係點解要咁手緊？」

然而，亦有網民認為代幣確實碰到黑色底界，表示：「底線砸界」、「係唔中，職員可以不用驗眼，要驗眼的係你」、「垂直影落去，應該變砸界」、「應該掂好少，真係睇佢放唔放你」。

樓主：職員擺代幣仍砸界

樓主回覆網民表示他未有報警便已離開，職員只建議他可致電公司熱線作投訴。他又說：「佢(職員)用佢部手機影，底界掂咗少少！我叫佢放個唔掂界嘅俾(畀)我睇，佢放咗，(但)都係掂到界」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)