前無綫小花朱智賢與謝東閔拍拖多年，歷經不少風雨，未料到敵不過7年之癢，昨晚（17日）在沒有預警宣布分手，令人震驚。其實宣布分手消息前數小時，朱智賢曾現身公開活動，雖然保持笑容但頗為憔悴。
朱智賢與謝東閔共同於社交網發文：「謝謝大家一直以來對我們的愛護與關心。我們有共識地決定以後會以不同身份繼續支持及守護對方，希望各位能夠給予我們空間，私人事情只想低調處理。日後亦不會再作任何回應，謝謝。」朱智賢於2020年與人夫黎振燁車內食蛋糕斷正，獲謝東閔原諒陪同出席記招，走過風雨近年更屢傳秘婚，又發展同居關係，奈何未能開花結果。
在宣布分手消息前數小時，朱智賢短褲Look現身好姐妹曹敏寶新歌發布會，手持大束鮮花在後台準備，雖化上濃妝但一對眼袋明顯浮腫，相當憔悴。朱智賢吻賀曹敏寶後竟被寸：「我真係唔知你嚟，你仲問我幾點？你嚟㗎咩？你唔會嚟㗎啦！」朱智賢則表示：「佢仲好似你問咁多做乜，你都唔嚟㗎啦！我出現嘅原因係因為曹敏寶話《中年好聲音》時，我成日冇出現，佢詐我型，嗰時我好忙，成日要開劇，我記得有出現一、兩次支持佢啦！成日攞番呢件事嚟講，所以我今日專登嚟佢新歌發布會啦！專登山長水遠嚟到現場support你！希望你今日感受到我對你嘅愛啦！唔好再詐我型呀！」
東網網站 : https://on.cc/東網Facebook專頁 : https://www.facebook.com/onccnews/
留言 0