渣馬三跑十公里賽事今早（17日）舉行，不少藝人都有參與，包括「發哥」周潤發、唐詩詠﹑方力申、吳業坤及譚旻萱等，其中發哥以銀髮全黑造型現身，接受訪問時形容自己「游車河」，專登放慢腳步享受過程，又指大腿曾驚現「迷之球體」，完成賽事後「乒乓波」已經變成「芝麻仔」，明日將會再約醫生檢查。
發哥早前出席時裝展，與韓星G-Dragon再次見面，跟劉嘉玲一起合照，發哥透露兩人言語不通，只用簡單英文溝通，又搞笑地讚對方：「佢冇咩點變，係變靚女咗。」曾獲發哥在集訓時按摩的唐詩詠，今次亦跟隨發哥完成比賽，發哥完賽後隨即提議加操：「訓練佢2026年跑半馬，冇得推！唔跑咁快咪得。」
唐詩詠傍晚時候分享多張跑步相，表示終於完成期待已久的機場三跑：「天公造美，臨跑前一刻停雨，冇諗過同啲飛機咁近距離，一路跑﹑一路睇住佢哋升降，沿路又有音樂，又有打氣隊，成個過程超正，跑得好舒服，今年比上次快左，要繼續努力，Thank you 蘇教練﹑各位隊友。」
同樣參與十公里賽事的吳業坤，在唐詩詠貼文中分享他們與發哥合照，而坤哥昨日才完成毅行者賽事，今日仍跑出58分鐘的成績，他亦對於發哥叫得出他的名字，感到興奮。「佢知我結咗婚，都認識我嘅存在，好開心！希望下次同太太有機會同佢跑步。」
方力申亦有在IG分享照片：「終於完成期待咗好耐嘅 #機場渣馬三跑道系統十公里國際賽，平時去 @hongkongairport 搭飛機就多，但一生人真係無乜機會喺機場跑道上跑10公里，我一邊跑步一邊望住飛機喺隔離升降，好過癮，呢個體驗好特別好難忘！去到衝線一刻，仲有有咁多人為我哋打氣，好感激佢哋，多謝。」
留言 0