港產三級片《一路向西2東京AV攻略》早前公布即將開拍，演員包括張建聲、素海霖，並有不少日本現任及前任AV女優參演，包括三上悠亞、波多野結衣、相澤南及村上悠華等。劇組上周六（24日）舉行演員招募日，現場試鏡者超過200人，由場地1樓一直排隊到落街，整個活動更超過8小時。當日由導演鄭峰嵐及女角之一的素海霖（Erena）負責面試，《向西2》男角張建聲則因工作關係在試鏡中段才到場揀蟀，試鏡過程中，有部分報名者需要試戲，其中「34E台灣乳神」張永歆入圍呼聲最高。
全程面試長達8小時，導演及素海霖除了去洗手間外，全程沒食飯沒休息，當試鏡結束後，導演表示有點累但感到振奮：「見到現場咁多人嚟支持香港電影，支持自己嘅夢想。今日有成二百幾人嚟，另外仲有網上報名，包括來自台灣等地，加埋接近成千人，仲需要online casting。」
首次做評判的素海霖笑說：「好開心，未做過評判，第一次，好似有得揀仔咁。」由於試鏡角色包括與Erena有多場對手戲的男主角Henry，所以Erena今次係有份參與揀「男朋友」，導演問她有沒有遇到心水人選？Erena直言有，「但只限外表，性格未知，如果戲內嘅男朋友有好多都啱，但外表（合她心水）就得五個內。」
導演表示，面試中發現多位演員都很優質，令他感到surprise，張建聲就說：「我睇咗一半，我聽到有啲casting嘅朋友仔，等咗6個幾鐘7個鐘，除咗導演同Erena兩位之外，真係respect咁多位面試者，真心。」他又說：「一路向西香港精神嚟㗎，點都要薪火相傳落去，快啲出現啦向西仔！」
Erena覺得好多面試女仔都OK，「女仔方面，有個來自台灣嘅，咁啱有個角色需要台語，佢係…嘩！你一定會記得佢，除咗佢講嘢演繹之外，佢嘅身材你一定會記得佢。我係女人都咁鍾意佢，更何況男人。」導演補充該面試女演員專程從台灣來港，十分有心，據知她是34E乳神張永歆；張建聲稱因當時未到現場，與對方緣慳一面，Erena聞後向張建聲笑說：「你睇返可能流口水。」
至於男角方面，不少試鏡男見到Erena都有點緊張，甚至不肯離開，而大部分都知道Erena喜歡戴眼鏡、較成熟的男士，所以十個有八個都有一鏡傍身，Erena坦言有部分試鏡男令她留下深刻印象：「有一個完全係我鍾意嘅類型，無論髮型、個樣，個髮型好似薛之謙；有兩個送花畀我，我估唔到，令我好深刻；有啲特登表演戴眼鏡畀我睇，哈哈～大家都好有心。臨尾仲有個幫我算命，我都好迷信。」
相關文章：