請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

林芊妤穿瑜伽褲拜山惹爭議 Coffee爆Seed反擊著足30天:要出番啖氣

Coffee反擊網民:「我要話俾所有人聽我鍾意着咩衫係我話事,唔係你﹗」(Ig截圖)

瑜伽導師林芊妤(Coffee)日前身穿運動衫及瑜伽褲跟家人拜山,當日她在社交網分享和4歲囝囝首次拜山經歷,不過網民的焦點落在她的一身打扮,有網民直指她當天瑜伽裝拜山並不恰當,有網民留言:「拜山都著瑜伽衫。」Coffee則回覆對方:「我想講當日我哋係要由山腳行到去山頂,應該叫做行山,喺現場有好多嘅女仔都係着瑜伽褲,其實我真係唔明有咩問題,登高都係運動嘅一種,我唔着瑜伽褲唔通我着條裙去會合理啲?着牛仔褲又焗又辛苦,着短褲又曬,你話我講得有冇道理啊?」

昨天(5日)Coffee就探討女生穿Leggings及瑜伽褲發文抒發感受:「香港女仔著leggings 輿論一直冇減退過 好與壞各執一詞 某部份人更加將『女仔着瑜伽褲』貼上壞標籤,但我唔明白點解着自己鍾意嘅衣著出街,都要俾人討論?如果你覺得我哋着得唔靚又貼身又肥又露,難道我哋又一定覺得你嘅衣着好好睇?

我想講喺呢個世界上需要討好既人就只有自己,自己鍾意着咩出街唔到其他人理(只要合法),既然點著都會被標籤既話,我著我嘅事,由我自己標籤,我決定嚟一個"30days of leggings",無論食飯行街去Event去買餸,任何諗得出嘅場合都着leggings(情況許可嘅話),我要話俾所有人聽我鍾意着咩衫係我話事,唔係你﹗」

而Coffee亦言出必行,連續2天穿瑜伽褲外出,她亦歡迎大家這30天內,每日到她的Ig限時動態,看她穿着不同瑜伽褲出街:「我要為所有鍾意著瑜伽褲出街嘅女仔出返啖氣(包括我)。」

(即時娛樂)

查看原始文章