視后李佳芯(Ali)自2020年與陳炳銓結束7年感情後,一直保持單身。除曾傳被「蟲草大王」力追外,每次有男士埋身都會引起傳媒猜測。近日她被網民拍到疑有新戀情,更與疑似新歡食飯撐枱腳,昨日(5月22日)開工拍新劇的Ali,親自開腔回應。
Ali 日前與疑以新歡在鴨脷洲一間餐廳食飯被網民捕獲,有指二人同樣穿白色上衣和戴帽子似情侶裝,食飯其間舉動親暱,因似瘋傳「新戀情」曝光。該「新歡」更被發現貌似兩年前與Ali 同遊日本食和牛的男士,疑似是同一人,令大家紛紛為Ali慶祝「脫單」。
Ali 接受TVB娛樂新聞台訪問回應緋聞:「真係普通朋友食飯,係冇好消息。」她又感謝粉絲及觀眾關心她的感情生活:「其實我係一直都會同唔同嘅朋友食飯,但係啲人可能就見到每次同男士食嘅時候就會好好奇囉,其實之前都影過好多次,甚至乎有啲呢唔係我嘅跟住就話係我嘅出咗新聞,所以我都覺得我唔想講太多喇。」
被問到有新戀情時會否公布,Ali斬釘截鐵表示「我只可以講冇好消息公布囉。」
李佳芯又提到,自己早前反覆燒了三天,懷疑自己患上乙型流感:「因為啲人話通常會瘦10磅,媽咪見到我就話『嘩,做乜瘦咗咁多呀』,跟住我先至隔一日我上磅,我真係輕咗10磅,我完全估唔到,我嗰段時間成日覺得自己好憔悴囉,好瘦囉。」但Ali 目前已康復,更就新劇《麻雀樂團》開工。
留言 1
被希望放棄的十六
誠心比d空間人地啦
05月27日11:53
顯示全部