前港姐王菲雖然與唱片公司太子爺張子丰熱戀中，但仍心繫事業，日前聯同一眾港姐師妹邵初、郭珮文、邢慧敏等出席活動，期間眾女化身啦啦隊表演舞蹈，統一穿上白Tee配粉色短裙，盡騷白滑長腿，吸睛非常。
首度踏足紅館舞台表演的王菲，直言心情非常緊張，她接受東網訪問時表示：「兩年前港姐決賽上過紅館站台過一次，不過今次表演感覺完全唔同，四面台都有觀眾，畀全場望住都幾震撼，我哋8個女仔一齊，我算係最資深，其他好多都係今年嘅港姐。」由於演出前僅練習了兩天，為免影響水準，王菲直言演出當日，於後台不停記舞步：「平時台慶練得密集啲，相對今次就時間少咗，所以個個都好緊張，惟有不斷喺後台mark steps，就算出場前一刻都仲記緊，好驚自己會甩steps，好在最後都好順利完成表演，完成嗰刻即刻輕鬆晒！」
東網網站 : https://on.cc/東網Facebook專頁 : https://www.facebook.com/onccnews/
