1 近期 TVB 《 婚後事 》帶挈劇中演員入屋，樣靚及身材索爆的王敏奕人氣急升，唔少網民封佢為「最美小三」！網民討論持續火熱，王敏奕總算搣甩曾志偉新抱、或曾國祥老婆呢2個稱號。
2 王敏奕2008年入行，到宜家16年，Model出身，參與劇集及電影唔少（但好多都噏唔出名），佢曾經遠赴紐約修讀電影及戲劇，第一部劇是港台Y2K系列《 過渡青春 》，2014年於《 女人俱樂部 》飾演後生版李麗珍，開始為人認識，直到呢兩年因2套劇竄紅，演藝路往往就係等一個機會！
3 其中一套是婚後事，另一套是《 新聞女王 》，以新丁記者劉艷一角亮相，仲首度獲得最佳女配角提名，連女主角佘詩曼都公開點名力讚王敏奕準備充足，坦言好喜歡對方，認為有好強化學作用。
4 當然，她的背景既有好處但亦是包袱。2019年佢同曾志偉個仔曾國祥喺拉埋天窗，曾經感情相當好，經常放閃（而家唔知，曾被指婚變）。2020年佢加入TVB，演出機會亦越嚟越多。
5 已經三字頭王敏奕臉上同身型無咩歲月痕跡，不過佢最叻應該係識講嘢，佢受訪時話，自己婚外事戲外並唔係咁，角色同本身性格好大差別，「第一日拍時監製嫌棄我做得唔夠好，話我唔識誘 惑人。」在戲內姣又得、在戲外純又得，引來更多男粉絲FF！
▼Follow 娛頭
Facebook: https://www.facebook.com/profile.php?id=61554772610166
