姚焯菲18歲生日獲粉絲製驚喜短片　BB Chantel曾獲小鳳姐抱抱

「聲夢小花」姚焯菲（Chantel）今日（22日）踏入18歲生日，她現正身在新西蘭準備應付公開試，未能跟粉絲「小菲象」慶祝，但仍然透過視像跟粉絲分享生日感言，粉絲還製作了一條Chantel的成長短片賀偶像牛一，原來當她還是手抱BB時，曾獲徐小鳳抱住合照。Chantel亦直言希望自己能夠保持青春，能夠搵到方法成為一個好的大人。

Chantel今日18歲生日，昨晚她在網上與粉絲見面及分享心底話：「其實我都想同18歲嘅自己講，首先作為一個大人非常之唔容易，第二就係我覺得雖然我嘅歲數係一個大人，但我嘅思想、心智仲係唔係非常之成熟，覺得自己仲係一個小朋友，我覺得唔緊要，青春永遠發自內心，我希望自己Keep住青春，仲有搵到一個方法係去成為一個好嘅大人同埋到條路成為一個好女仔，希望18歲以後嘅生活開開心心，我就非常之滿足。」

另一邊廂，「小菲象」製作了一條Chantel成長短片，收集了她由出生幾個月至踏入18歲的相集，其中BB時代的Chantel眼仔睩睩，肥嘟嘟又愛笑，最驚喜是原來徐小鳳也抱過她影合照，8歲就已有現時的樣貌，10歲至13歲讀書時是「四眼妹」，之後有紀錄她參加無綫歌唱比賽《聲夢傳奇》，一首《戀愛預告》改寫了人生，成功踏上摘星之路，近年陸續推出個人單曲的「Sing途」片段。

同時，香港亦有不少Chantel的生日應援活動，今日就有流動宣傳車出動中；另外逾百粉絲聚集在她的旺角新歌廣告板下，為偶像越洋慶生。除出動流動宣傳車外，還和身在新西蘭的Chantel連線，送上大合唱生日歌，令她相當感動，大讚流動車「好靚」又多謝粉絲的祝福。