鍾柔美頂替炎明熹出活動 唔擔心影響友誼：完全唔會尷尬

鍾柔美（Yumi）昨晚（23日）到沙田頂替原是炎明熹（Gigi）出席的活動，最近忙於學業及為新劇拍通宵戲，Yumi一臉倦容，直言試過連續3日冇覺好瞓，她說：「係有少少辛苦，雖然唔瞓覺我會死，但趁後生當然要捱多啲，所以OK的。」

對於頂替Gigi出席，可擔心影響友誼，她說：「又唔係嘅，我諗公司最近先決定叫我出席呢個活動，都係公司安排，我真係唔知原本係Gigi做，因為我最近好忙，都冇聯絡，坦白講冇乜留意新聞，但我覺得Gigi嘅心永遠都同我哋連住，友誼都仲喺度，完全唔會有乜嘢尷尬。」

對於擔任港姐決賽表演嘉賓，獲網民讚靚過同場佳麗，問可覺得揀錯參加歌唱比賽而不去選美？她說：「唔會，我想唱歌，都會開心，但覺得各有各靚，我對自己要求好高，只覺得合格，塊面同個鼻太大，鍾意嘴細同眼夠大，其他全部都麻麻哋。」

（即時娛樂）