吳浩康解釋飛澳洲有人請　自揭經濟轉好或為張致恒介紹工作

吳浩康（Deep）昨日（29日）出席港鐵活動獻唱多首歌曲炒熱全場氣氛，他表示想帶愛子參與，但早已安排其他活動未能同行。他提到日前遠赴澳洲街頭表演，行程主要是去佈道會及傳教，別人買機票給他，亦坦言最近經濟狀况及工作狀况已經改善了不少，並提到若客人有興趣找Steven張致恆開工，會介紹給對方。

吳浩康出席活動時提到：「我看到外面有很多攤位，聽日都應該有機會嚟多次！依家工作都可以自己就時間，所以平日有時間都帶佢去玩，反而星期六、日忙教會服務，10月仲會參加佈道會。」他表示平日晨早開工會坐港鐵，但可能一眾乘客仍未瞓醒，所以沒有人要求合照。

早前Deep遠赴澳洲街頭表演，表示為移民港人解「思鄉情」。「其實我係去報道會同傳教，同當地朋友傾開知道大家都有思鄉，所以即席街頭表演比大家開心吓！有啲人話我『唔係沒錢的咩？點解咁有錢飛去澳洲做Busking？』，其實是誤會啦，機票係人地買比我嘅，我都坦白講，我其實經濟狀況同工作狀況都已經改善咗很多，多謝大家關心！艱難時期同大家分享，依家好啲都會同大家講。」

Deep表示近期社會經濟差，不少建築工友開工不足，亦難怪好友張致恆呻開工不足，再度網上借錢，但Deep表示二人未有提及這個話題。「我同Steven兩個都是男人，男人的關係和友情一般都是等對方有需要才開口，那我就看看怎樣配合。」被問及會否介紹對方開工，Deep說：「如果客人有興趣找到我，我都會介紹比佢。（你對他有信心？）客人有興趣咪介紹之嘛，又唔係我請佢！」