早餐決定一日健康與否的關鍵，香港人不時為節省時間，會選擇高糖乳酪、排包、即沖燕麥片等，但只要留意成份，就會發現就算營養不一定均衡。
乳酪Yogurt
乳酪總給人健康、護腸的感覺。不過，你有無留意你揀個杯乳酪係咪真乳酪？同埋有無留意其糖份量有無超標？
乳酪可以係高蛋白、低脂食物之選，但同時可以中哂伏。如果你揀以下乳酪，高糖兼唔夠一餐蛋白質所需，就唔好問點解食極乳酪都唔瘦，一啲都減唔到肚腩啦！
係《飲食陷阱》入面，就已經教咗大家點揀乳酪啦！
即沖燕麥片
燕麥是出名有助降膽固醇的食物，而且飽含纖維，早餐食「麥皮」實健康！
但加入調味的即沖麥片，就唔同講法。就以下面例子為例，排第二嘅成份係植物奶精，所以一包35克嘅即沖燕麥片已有一茶匙油份。值得注意是4.4克脂肪中有3.1克，即係有70%係屬會增加壞膽固醇水平的壞脂肪。以為食「麥皮」可以降膽固醇，點知，食錯麥皮反而會增加壞膽固醇！
加入植物奶精，壞脂肪含量也增加！
饅頭
一個大饅頭(130克重)大約有350卡，以熱量去睇，唔算高，但係如果你真係食個饅頭就當早餐。咁我可以話你知，你一定、一定、一定唔會瘦。只係睇熱量計數可能唔超標，但係饅頭全部都係carbs (碳水化合物)! 而且，淨係食饅頭會欠缺足夠蛋白質，長遠嚟講，咁樣當一餐，只會增脂減肌！嚴重啲講，會影響埋新陳代謝。
白粥配炒米粉
食白粥實無乜油，心諗，配碟炒米粉都唔過份。但你有無留意粥同米粉有一個共通點，就係兩者都屬碳水化合物。之前係《飲食陷阱》分析過，白粥配炒米粉，加加埋埋有成約140克碳水化合物，等同食兩碗半飯無異。
撰自《飲食陷阱》
排包
貪方便，只食排包當早餐，點知食完兩片麵包都好似食咗一陣風，一啲都唔飽，但就已經攝取咗250卡，大半碗飯嘅澱粉質加1.5茶匙油份。最弊就係，食完兩塊過個零鐘之後覺得唔夠飽，又去食多兩塊包!
之前文章都講過，無餡包包都可以好肥！唔記得可以睇番較早前文章。
Mandy Wong, 任職營養學家，以「營養共享」為理念，積極推廣健康飲食。不著重食物的「卡路里」，只講求食物是否合「營」合「理」。把營養學的概念深入淺出，教大家如何吃得活得更MINDFUL。
▼ Follow Weak Ends Here
Website: https://www.weakendshere.hk/
Facebook: https://www.facebook.com/weak.ends.here/
Instagram: https://www.instagram.com/weak.ends.here/
留言 0