李蘊（Renee）現年30歲，自結婚後淡出幕前，近年更移居廣州專心照顧子女，但昨夜（25日）李蘊在IG貼出入院相後，今日（26日）更公布驗出脊椎腫瘤，「食痾玩瞓都係床」，令人憂心。
View this post on Instagram
昨晚李蘊曾在IG story貼出住院相，而今日完成手術後，主動交代情況。原來早幾個月前她已察覺身體有問題：「我patpat上面右邊舊骨痛咗幾個月，平時唔痛，係跑步/跳起/運動先痛。」她本來以為是照顧小朋友的腰痠骨痛，直至上星期五心血來潮看醫生，照磁力共振才知出事。
View this post on Instagram
磁力共振結果發現：「一照就發現有粒1x1.6cm嘢喺胸椎椎管入面，姐係脊椎腫瘤，我第二日就去大醫院搵大醫生睇清楚，第三日就入院同做各樣深層次檢查，今日就已經全身麻醉切咗粒嘢，拎去化驗驗清楚係咩黎，過兩日先有結果。」
她更表示，由於異物連住神經，無法做微創手術，要開5cm手術傷口，又要駁尿喉及引流管等，她苦笑地說：「哇，我個美背啊，哈哈～依家傷口好痛下，呢幾日要平躺，枕頭都唔可以用，食痾玩瞓都係床，過多幾日就可以出院㗎啦，大家身體最緊要。」