MIRROR成員呂爵安（Edan）上月推出歌曲《Elevator》，請來盧瀚霆（Anson Lo）、柳應廷（Jer）、羅家英、阮小儀及《闔家辣》導演鄭晉軒演出MV。Edan昨天在社交平台上載與家英哥拍攝時的合照，分享兩人相識的經過。
他回憶2019年首拍個人綜藝節目《臺灣文西Only You》，獲公司安排與家英哥拍檔一齊去台灣拍攝。Edan說︰「嗰個Trip真係好難忘㗎（包括被打格仔事件），寓工作於娛樂，得閒考古同大家分享吓啲片段。而家英哥真係超級Nice同玩得﹗我成日冇大冇細佢又唔介意，同我嘅關係就好似朋友咁，乜都玩一餐，勁開心。嗰次之後我哋都冇機會再合作，但令我哋保持聯絡嘅嘢就係<<長輩圖>>！家英哥周不時就會sd長輩圖俾我同我講早晨，真係勁Cute！」
今次可以邀請家英哥參與MV拍攝，Edan坦言很開心，感激對方二話不說就答應，希望未來再有機會與家英哥出trip拍節目。
（即時娛樂）
