請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

周國賢獲讚有堅硬的肌肉 Fans囡囡用佢個「Body」做功課

小朋友思想真係好鬼可愛。

周國賢收到女Fans嘅PM,表示自己由《目黑》已經鍾意佢,仲話陀大女嗰陣有去聽佢演唱會,「有啲唐突想同你分享我個女今日份中文功課」,點解無啦啦要同個偶像分享自己個女嘅功課呢?因為好笑,真係好好笑。

Fans囡囡上中文堂,老師要佢用堅硬呢個形容詞嚟造句,佢就咁寫,「周國賢有很堅硬的肌肉,因為他辛辛苦苦做運動。」網民都睇到大笑,何況擁有堅硬肌肉嘅當事人。Fans解釋,「因為疫情關係呢幾個月喺屋企不停Loop你嘅歌,我屋企2個小朋友都已經變咗你Fans,估唔到連做功課有你嘅蹤影。」

周國賢收到份功課笑到癲,開心Share表示,「而家啲小學生嘅文學造詣,真係令我『罕』感動。」仲話為咗未來社會棟樑好難唔而家就即刻去做尖(Gym),網民睇得好開心,仲提議周國賢下首歌可以叫《堅硬的肌肉》。

更多新冠疫情資訊,請到以下專頁瀏覽(按此)

立即下載|全新《星島頭條》APP:https://bit.ly/3yLrgYZ