吳若希（Jinny）日前為宣傳新歌《慢鏡》，接受TVB娛樂新聞台節目《StarTalk》主播許文軒的訪問，她透露新歌主題是因疫情影響啟發的感受，指自己性格已由性急變得可以放慢腳步。原來Jinny老公Alex一向性格慢活，Jinny說：「以前我成日鬧佢，因為佢有拖延症，做咩嘢都拖。但呢兩年我哋係真係好少因為呢樣嘢鬧交，因自己都放慢咗。」她又形容老公有耐性，又很需要自己成日要陪他，即使Jinny要開工，只要Alex有時間便會到場陪伴，她坦言反而自己未必會對待老公。
今年Jinny便踏入30歲，但她未有介意：「年齡唔係一個問題，反而擔心皮膚質素，依家真係差咗，冇咁飽滿，加上生咗兩個，啲骨膠原走晒，所以狂食骨膠原去補充，而且真係要開始做運動。」Jinny坦言現階段感到十分滿足，雖然工作對她來說很重要，但若相比起家庭及一對仔女，她坦言他們比工作更為重要。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
