藝人馮盈盈為慈善節目《博愛歡樂傳萬家》擔任司儀。完騷後被記者追問有關「宿敵」江嘉敏被爆向生果店𢱑贊助一事，記者先打趣問她是否很喜歡吃水果？她回道：「咁我讀營養學出身，都建議大家每日食兩份生果。（點睇件事？）其實我唔清楚成件事來龍去脈，唔方便講咁多，不過有一點就係，未經雙方同意就將雙方對話內容截圖曝光，始終唔係好事。（同江嘉敏有偈傾？）有，節目內傾足全日，就嚟推出，大家記得留意喇。」
談到贊助及相關合作，盈盈坦言不時有品牌寄禮物到公司，由經理人處理或轉交給她，自己亦會出Post多謝對方，但覺得真心好用才會公開推介。
另外，盈盈近日積極健身。提到疫情下的「健身群組」愈擴愈大，她表示自己在九龍區健身，運動期間全程戴口罩及以一對一私人形式進行，回家更即時沖涼及換衫，作出全面消毒，警覺性很高。
東網網站 : https://on.cc/
東網Facebook專頁 : https://www.facebook.com/onccnews/
留言 0