今年暑假，公司因為多了文書上的需要，請了一個修讀中國文學的90後台灣留學生J。在實習的短短兩個月期間，他給我留下深刻印象，特別在他臨走前一個禮拜，我帶著他來到中環一間知名的米芝蓮西餐廳享用farewell dinner。摸著杯底，一邊食好西，一邊傾下計。
話說前兩天我才煲返兩年前講跑步的日劇「陸王」，我們的話題就這樣開始。「現實中，究竟有幾多人可以像足袋小工廠「小鉤屋」的宮澤社長一樣，執著於夢想，一直堅持而成功創造奇蹟，翻越不可能的高牆？」想不到我輕輕的一句話，觸發了intern j的神經。
「七十後總是覺得九十後無甚大志罷，又不上進，其實我們都是有原因呀。」他說了一句又停下來，我就說「繼續講罷」。「這世界已經不像從前，飛黃騰達的夢已很難實現，面對成個社會由高峰開始下滑，若然我有大理想，只會迎來一次又一次的大失敗，我已學習將目標放輕放小，就能夠保護自己，免受失敗傷害。」
他的一番話，令我想起多年前一位金融前輩行家嘅一番話。呢個係一個扶手電梯的比喻，你當全個社會的人都在這電梯上，有些人很努力向上行，有些人卻只係企定定，努力的人快點抵達，懶散的人花點時間，乘著電梯仍可到站。不過如果電梯係向下行，那麼無論你多努力踏前，都只係原地踏步。至於上邊條電梯其實你冇得揀。
「Kirk哥，你有無試過見到有d人，覺得佢嘅成就，並唔係靠努力就可以跨越或者達到？」佢嘅話又打斷咗我嘅思考。九十後Intern J讀文學，佢話，在創作上，永遠覺得有人的作品，不是努力學習、練習就可寫得出，而係靠天賦，有時會佢感到氣餒。老實講，其實每個行業也一樣，文青講領悟力、觸覺同靈感，金融業呢，有些人有成個家族、際遇以及種種，令佢地有不可攀登的高度。但這都不是問題，當你意識到山外有山，就會變得謙卑，但同時你亦要放得開，不要因為別人成就，影響自己心態。若果可以，都可以佢地作為目標。
Intern J默默點頭，然後飲一啖湯。他又說，其實自己求不多，小確幸（微小而確定的幸福）已經好夠，可以享受生活，簡簡單單都係一種選擇。對於未來，只能見步行步。在我眼裡，這應該係一種無路可走的安慰說話。相比我哋這一代想得遠，想得高，這種只想今天的態度，會唔會係一種大勢所趨呢？我唔肯定……..
科技年代，九十後就係掌握最靈活資訊同科技的一代，或者這個才是這一代人的優勢，努力加以利用，都可以有所成就。吃完飯後，我和Intern J後在門外道別，臨行前，我輕輕拍了他膊頭一下，然後各自向左走向右走。
**Follow us on:
- Facebook: hk.esquire
- Instagram: @esquirehk
- YouTube: hkesquire**
