【一句願意】C君成功向女友黃天頤求婚：She said yes

二人組合農夫成員C君與港台DJ女友黃天頤拍拖4年，早聽聞二人有意今年結婚，C君今日終於有所行動，在好友幫助下成功向黃天頤求婚，C君興奮在Ig報喜，上載他捉著未婚妻的手，手上戴上求婚鑽戒。黃天頤亦在自己Ig發文，大讚C君今日穿西裝好有誠意，又一早起身扮睇NBA。

C君留言：「年紀漸長，很多朋友都有『she says yes』的po文，今日，到我了，she said yes。謝謝，新年快樂。#共你熱戀可抵擋冰天雪地 #全世界講一次恭喜」

黃天頤在網上則發了兩段文字：「雖然我完全聽唔到求婚主題曲『無得比』，但睇到你口震震同我講很久前你已經覺得呢段關係可以圓滿，呢個畫面先係真正嘅無得比。多謝 @ckwancheng 同埋所有人，坐緊月嘅，北京番（返）嚟嘅，要番（返）工嘅都喺齊度，難得咁人齊。一個愛字，不能代表你們的心意，但我愛你，也愛你們。 #聽講阿Paul呢首歌係寫俾（畀）神 #而我一路以為呢首歌係寫俾（畀）朱茵 #有人話得到當事人同意用嚟求婚都好適合 #職業病上身我即刻問係咪啲朋友匿埋晒 #然後又問點解係今日 #多謝華戈先生題字 #點解我今朝唔梳好啲個頭化番個妝 #我今朝問C生做咩咁早起身 #佢話睇NBA #原來今季NBA好似完咗 #著西裝好有誠意」及「我們其實相識了很久，同笑的時刻有很多，同哭還好像是頭一次，幸好都是快樂窩心的眼淚。 一句願意，以後同哭同笑。」

（即時娛樂）