MIRROR、ERROR總動員周五殺入屯門！粉絲早一日霸靚位慘被清場

ViuTV明日星期五將於屯門市廣場舉辦5周年《夏日電視賞》記者會，集齊MIRROR及ERROR 總動員16子，早已估計萬人空巷，粉絲一早做足準備，早一日已到現場希望霸個靚位，怎料到了商場大多商店關門，商場保安亦清場，大批粉絲改以24小時商場通道通宵等候。

▲星期五MIRROR及ERROR十六子合體，齊齊現身屯門市廣場宣傳。

較早前得知屯門市廣場將會MIRROR及ERROR總動員16子出動，不少人笑言擔心屯門市廣場會「陸沉」，至少會逼爆商場。今日早上，屯門市廣場亦已經架起圍欄準備，而圍欄外就有不少粉絲帶同橫額及摺櫈等到現場霸個靚位。

▲今早不少商店仍未開門，已有大批粉絲用物件霸定靚位。

▲各成員的應援團亦有出動霸位。

▲霸位恩物摺凳當然少不了。

只不過，直到晚上11時左右，由於現場大多商店已經關門，保安亦出動清場，粉絲們乖乖離開，退至同一層的24小時通道等候，準備明天一打開圍欄，立即衝到有利位置。

▲可惜夜晚11時，保安清場，粉絲要轉到24小時開放的核心外圍。

▲粉絲鍥而不捨，坐坐定等明天開閘入內。

另一方面，不少粉絲亦預先訂房入住鄰近酒店，以便明早能夠盡快趕到商場排隊入場。據網上資料顯示，與屯門市廣場最鄰近的酒店，房價勁升一倍，數小時內從$550升至$1,100。