交換情侶拍節目《貼身36》！岡本女神主動調情兼暗踩人哋女友惹網民罵戰

ViuTV向來拍真人騷引起話題見稱，昨晚剛播完的《貼身36》，安排兩位參與者鎖上手銬共度36小時完成任務，最後一組參賽者則是兩對戀人，則要交換伴侶共度一日半，怎料節目疑似玩出火，拍過岡本廣告的黃可盈（Flavia）竟然多番主動向參賽者即另一名參賽者Isabella的男友Jarvis調情，引起Isabella的不滿及網民罵戰，好睇過節目本身。

          在 Instagram 查看這則帖子                  

話說，6月幾嘅時候，我地拍左個viutv 嘅節目。而今晚終於到我地嗰集出街。 拍之前我應承左 @isabella_lau 會一齊睇（邊睇邊解釋），所以佢依加已經係我屋企。 #倒數壽命5小時 我依家終於明⋯拍嘢吾緊張，因為播先最緊張。

梁灝維 Jarvis（@lhw_skeleton）分享的帖子 於 PDT 2020 年 9月 月 1 日 2:07 上午 發佈

          在 Instagram 查看這則帖子                  

琴日有人問我，拍完貼身36有咩得著同影響，會唔會更加珍惜對方？ 答案梗係Yes啦！ 入camp前我地鬧緊交 其實真係幾大衝擊 未和好就要去開工 所以當刻有咩情緒都收埋晒 拍攝緊要 但正正因為咁 喺呢36個小時入面嘅感受就更加深 會特別諗起對方嘅好 會特別掛住對方 因為冇得見面同接觸 會特別容易放低面子 真誠道歉 因為我知道呢段係自己好珍惜嘅關係 又有人問，拍咗拖四年，有冇鬧過分手？ 其實真係鬧就真係冇 因為呢句說話覆水難收 不過都試過鬧到好僵 幾乎要分開 但係而家回望 只係一個個對呢段關係嘅小小挑戰 一直嘅磨合都會為呢段關係慢慢昇華 今次呢個節目對我嚟講都係一個令關係提升嘅經歷 有好多說話同感受平時未必會無啦啦同對方提起 但呢36個小時令到呢啲感受放大 亦因為節目嘅安排 比機會我地表達平時唔會表達嘅野 令到我地雙方都能夠感受到更深嘅愛意 所以，yes，每一份經歷我都會好好收藏，珍而重之，且行且珍惜。

Flavia Wong 黃可盈（@flaviawg）分享的帖子 於 PDT 2020 年 9月 月 5 日 3:09 上午 發佈

《貼身36》節目一連15集，總共邀請到5組參賽者，以兩人一組鎖上手扣，共處一室生活36小時完成不同任務。最後一組則衝出之前參賽者的服務式住宅，來到郊外camping，更加大玩交換伴侶36小時，意識大膽，更邀請有「岡本女神」之稱的黃可盈（Flavia）及其同居男友馬仔，以及另外一對情侶Jarvis及Isabella，其中Isabella亦是演員及KOL。

          在 Instagram 查看這則帖子                  

今晚22:30 ViuTV 99台 連續四晚會見到我同大大😜 大家記得睇喇🥰 P.s. 唔好問我點解張相冇大大🤫 P.p.s. 祝福 @lhw_skeleton 安然渡過四個晚上🙏🏻 #貼身36

Flavia Wong 黃可盈（@flaviawg）分享的帖子 於 PDT 2020 年 9月 月 1 日 3:02 上午 發佈

《貼身36》安排4人分成兩組（一組是Jarvis及Flavia；另一組是Isabella及馬仔），交換情侶共同生活36小時，當中不少「任務」都有身體接觸，以及在浪漫氣氛下完成。Isabella及馬仔一組的任務相對平淡，但Jarvis及Flavia非常惹火，除了二人共睡同一張床外，為了節目效果，二人不惜加戲，例如Jarvis多次觸摸Flavia的頭和臉，之後女方又兩度主動擁抱男方，觀眾不難覺得二人態度親暱。

【想知霍哥最後點拆彈🙈】 00:02 Isabella 抬頭嗰吓真係好有殺氣😰 一心以為係同自己男友貼身相處36小時，最後變交換情人，然後睇住男友玩得好開心，又有冷氣歎，又高床軟枕咁……🤯 p.s….

由 ViuTV 發佈於 2020年9月4日星期五

直到昨晚大結局，節目中的最後一個環節，四人同場玩扭扭樂，繼續由兩對交換情侶帶上手扣，由於Jarvis與Flavia分別犯規，被罰要咬對方一口，令Jarvis的真女友Isabella怒火中燒，Flavia亦突然自爆曾經向Jarvis借衣服穿，更令Isabella非常介意，最後這對真情侶吵架收場。

《貼身36》節目完結後，網上罵戰更為好看。普遍網民認為Jarvis與Flavia互相主動調情，行為過火，覺得Isabella「唔嬲先唔正常」。但Flavia在網上一於少理，更在IG不斷出story詢問大家對節目的感受，在不少回應中暗串Isabella小器及借此抬高自己。

另一方面，Isabella亦在IG Story留言，表明相當憤怒，承認自己是港女，不夠大方，不齒有人不斷放話。

          在 Instagram 查看這則帖子                  

點都回應下啦😅 （小弟不才，199注意） 我同女朋友有無嗌交？當然有啦！ 但係吾係嗌我係節目中嘅行為，因為佢好知道咩係事實咩係剪接。所以係呢一度我都唔想為我嘅行為而解釋啦！😌 入正題： 佢好嬲我點解講咁多嘢而比位人入，比人剪到咁仆街。 而我就覺得，人哋有要求，而係我能力範圍之內，作為一個工作者我就有呢一份責任去完成佢。 佢覺得冇必要講咁多嘢，信任第三方，而俾人擺咗上枱。 其實我都好明白，只係我係當下唔鍾意諗咁多別人嘅機心，因為到最後受影響嘅只會係自己，要諗嘅都留返係完咗先諗。（只怪我當時喺學校太鍾意怪其他人而搞到不思進取💁🏻‍♂️） 就係咁，就越鬧越遠。咁當然當中會因為情緒因素，而牽涉到更加多小問題啦！😌有情緒都係因為着緊對方姐。 你有冇話邊個啱邊個錯？其實真係冇，因為到最後都係因為着緊對方姐，唔着緊就真係理得你死咩🙆🏻‍♂️ 其實咁都幾好呀，如果到時剪到Isabella 👫係一個仆街，咁到時我就真係仆街啦😂 其他人我就唔評論啦😌小薯仔冇乜資格出聲。 最後其實我要好多謝劇組，因為個36個鐘，好多謝你哋信任我，同你地合作我係開心嘅🥰 Ps .圖為我同isabella食日本野之美味圖。我好珍惜佢。

梁灝維 Jarvis（@lhw_skeleton）分享的帖子 於 PDT 2020 年 9月 月 4 日 8:57 上午 發佈

至於節目中的另一始作俑者Jarvis，則出post安撫女友，並提供一個平台，讓更多網民留言展開精彩罵戰。