耳機實測〡靚筆名牌出耳機〡獨特降噪通透模式 返工運動都啱用〡通話質素上佳隨時開會都得〡知名音響工程師調出高平衡感靚聲〡低調奢華風最啱上班族〡

Montblanc 呢個經典名牌，相信好多上班族同專業人仕都一定識，甚至總會有一兩件佢嘅經典鋼筆、高級文具又或者皮具等等旁身。不過其實品牌都有出耳機，之前就有款好靚嘅 MB 01 over head耳機，而今次我地實測嘅，就係佢地第一款嘅真無線入耳式耳機 MTB 03，可以話係外形同聲音質素兼備，今日就一齊開箱喇！
雖然係名牌出品，不過無論佢嘅包裝定個耳機本身，設計都冇話好浮誇嘅，完全配合番品牌本身低調奢華嘅風格。耳機機盒以鋁為主要材料，盒頂當然唔少得呢個標誌性嘅logo，表面同時帶有少少嘅反光同磨沙質感，可以話係質感同輕量兼備，放喺西裝西褲袋 裙袋 都應該完全冇問題。
至於耳機本身就主力追求輕身感，由選材開始都係由輕便出發，雖然唔係金屬但表面質感做左特別處理，同同品牌嘅鋼筆有異曲同工之妙，再加上有品牌嘅加持之下，戴上耳一定不失高貴感。
同好多耳機一樣，MTB-03係有佢嘅專用App，App嘅介面設計都幾靚幾有型，好方便就可以調校到耳機各項嘅設定，包括EQ、降噪等等。比較得意嘅係佢嘅ANC降噪，唔係有一般level去調校，而係有「運動」、「辦公室」同「旅行」三個情景針對唔同嘅噪音，致於 Live模式就即係一般嘅通透模式，並分成「環境」、「聚焦聲音」、「集中」3個模式，大概都係等同高中低level，而最下面嘅標準模式就係關ANC同通透。降噪表現我自己係鍾意嘅，唔會太過強，但基本上搭地鐵巴士、街上都隔到7、8成噪音，對個人黎講好足夠，亦唔會有太強嘅耳壓感。至於其他配戴感覺，同聲音質素等等，就睇片再講喇！
#耳機 #真無線耳機 #無線耳機 #Montblanc #實測 #gadgetgang #gadgets #科技新聞