傅嘉莉大呻「深喉」之苦　 事後急急腳刪Post

藝人傅嘉莉（Kelly）最近北上工作，但由於當地疫情嚴峻，搞到佢去酒店隔離都要過五關斬六將，仲話：「尋日係喺疫情期間第一次闖關，冇諗過發生咁多事，好彩最後都順利到達酒店，但超級攰。」而呢排都見佢都貼出護膚、藥包嘅照片，似係諗住養好身子，用最佳狀態開工。

其後佢又大呻檢疫過程好辛苦話：「第一次隔離，冇諗過原來核酸採樣嘅棉簽放得咁深，感覺好似直達咽喉嘅位置，做嘅時候全身會繃緊，係咁流眼水，仲要一日做三次，嗚嗚嗚。」但之後佢就急急腳刪文，唔知係咪驚人誤會呢？就連網民都表示一頭霧水呀！

東網網站 : https://on.cc/東網Facebook專頁 : https://www.facebook.com/onccnews/