周志文（大孖）及周志康（細孖）兄弟同樣是「巨聲幫」出身，無論是五官、面形，身形都似到十足十，不過隨着細孖成家立室做埋爸爸，他現在的氣質又較阿哥成熟一點。日前兩兄弟於社交平台，擺上一輯兩兄弟赤裸上身的黑白照，以「共感 。同呼同吸。雙生不相剋」為題，寫道兄弟細時的點滴，「孖生兄弟嘅身份，令我們從小都會比身邊人拎嚟比較，但我哋從來唔會同對方比較，反而會因為對方比自己好而更加開心。周媽媽成日講返以前，每當佢鬧我哋其中一個嘅時候，我哋另外嗰個就會喊，搞到媽咪冇晒辦法，唔敢鬧我地，因為一喊就打孖上，雙聲道咁。」
