【XR眼鏡評測】屋企地方細都可以有睇電影嘅感覺丨一副眼鏡就幫到您 身臨其境 4米近距離睇130吋大屏幕 TCL Nxtwear S XR眼鏡 #XR眼鏡 #TCL #NxtwearSXR

又黎到Z世代達人嘅時間啦，相信有唔少人都幻想過擁有屬於自已嘅私人戲院，唔單止可以隨時播自己鍾意嘅片，最重要嘅係唔會有人偷窺到你阿麻。
TCL近日就推出左 TCL NXTWEAR S XR眼鏡，就可以滿足到您擁有私人戲院嘅願望啦~ 今日就同大家睇睇呢副XR眼鏡啦~
TCL NXTWEAR S XR成副眼鏡嘅外型偏向未來科技感覺，眼鏡嘅重量約89g，無論係帶上頭到或者係拎上手感覺都唔太重。
而且TCL NXTWER S XR嘅眼鏡臂關節部份，可以自由往外伸縮。所以頭形比較大嘅人都唔洗擔心會有「夾頭」情況出現啦~
由於環境光線強度都會影響到呢副XR眼鏡顯示嘅畫面，所以TCL就好貼心咁準備左太陽眼鏡鏡片配件比用家，可以幫手遮一遮光啊麻。
而且安裝呢副太陽眼鏡鏡片都好簡單，XR眼鏡前端會有兩個磁吸位，只要將鏡片輕輕一放落去就安裝完成，真係好方便架
TCL NXTWEAR S XR呢副眼鏡唔需要充電，機身亦都無內置鋰電池，連接方法係使用隨眼鏡附送嘅USB-C接駁線去連接各種裝置。
首先將接駁線連接位於右邊眼鏡尾部嘅磁吸接駁位，其後將另一邊嘅USB-C頭插落裝置到就大功告成架啦。但留意嘅係，需要裝置要支援Display Port 輸出先可以正常使用，官方仲宣稱話Steam Deck，Switch 同埋平板電腦都用到添
如果想唔支援DP輸出嘅裝置都用到呢副眼鏡，咁就需要另外購買官方Adapter 去連接呢啲裝置啦
簡單講一講NXTWEAR S XR呢副眼鏡嘅配置啦，眼鏡內置1080P解像度嘅Micro OLED雙屏幕，眼鏡兩側會有內置喇叭，眼鏡鼻托會有感應裝置，帶左上去之後就會識得自動開機。
成副XR眼鏡帶落去感覺同帶普通眼鏡差唔多，但都會有小小前傾嘅感覺。最理想嘅情況係用呢副XR眼鏡嘅時候，背脊有野挨住，或者訓係到用嘅話，咁就會舒服好多
而我亦都嘗試左用呢副XR眼鏡睇片同埋睇電影，視果效果相當震撼，無論聲畫方面都同電話觀賞有好大嘅分別，就好似置身係私人戲院咁，不過最重要嘅一點都係無人可以偷睇到您睇緊咩野，私密隱秘呢方面真係為呢副眼鏡大大加分啊
而官方亦宣稱呢副XR眼鏡提供嘅視覺效果就好似喺4米近距離去睇130吋嘅大營幕，可視範圍係45度。
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~