自從有了MIRROR後，後援會多咗，應援活動屢見不鮮，大家都好出力為偶像打造不同的應援物；就好似二人男子組合艾粒(ILUB)，佢地嘅「粒粒粉」都執輸，為了祝賀艾粒在十月舉行嘅歌頌生命沿途有你艾與粒激情雙星璀璨20 ICHIBAN 香港之夜》，特別訂了應援巴士，仲要一定係由廣播道出發到尖沙咀東嘅208號路線。
呢架「艾粒應援巴」，巴士車身佈滿不同的艾粒造型，當中包括由出道的大冬菇頭、艾粒電視台經典look：叮噹及 Dicky仔、大家姐、歡樂粒宵、柚子MV、十戒歌、《艾粒BATTLE》紅館騷，以及多年來組合的 MV 等等，記錄艾粒二十年來一個又一個經典，陪伴大家笑著成長。
粒粒粉為博兩位uncle 一笑，假稱有外國客戶欲跟二人商討合作，游說艾粒與客戶見面。當二人坐上預備好的車到達現場，見到「艾粒應援巴」時，均不禁「嘩！」了出來。下車後，見到主持叱咤903節目《萬世巨星》的拍檔朱薰在場，才恍然大悟是粒粒粉送給他們籌備多時的應援驚喜。
朱薰親任粒粒粉的代表把大家的心意錄製短片交到兩位手上。當奴說：「感動到腳都軟埋，相當唔真實。」反而占卻搞笑地說：「搞錯！即係個客係假㗎！？黐線架巴士，真係太犀利！」而演唱會門票，一日就賣晒飛了！
