越後湯澤滑雪攻略│旅居日本港人分享租樓買車經驗 鄉下車位唔使$200│新潟好好玩：挑戰黑線、必食拉麵店、24小時溫泉【做咗新潟旅遊體驗專員】

今次Vincent有幸同新潟縣合作介紹當地景點！一連兩集「毒遊新潟」將會同大家介紹新潟魅力，即將播出既第一集會先講滑雪！
話說3年前第一次滑雪，就在新潟越後湯澤。距離東京一個多小時車程，滑雪之外，美食、溫泉都好出名，一直都對呢個地方念念不忘，
除咗Vincent自肥滑之外，仲搵嚟旅居日本的滑雪教練阿水分享日本生活，教咗兩個雪季，佢都租咗樓、買咗車，鄉下地方生活費似乎真係唔貴，值得參考。
片入面我哋會去岩原、石打丸山兩個滑雪場，有闊嘅，有靚嘅，講解畀大家聽洗費幾多。滑雪之外亦會介紹越後湯澤必吃拉麵舖，麵身加入馳名越光米粉，食落特別爽口。滑完雪仲可以去24小時的日歸溫泉爽一爽。雪季去開東京，花一、兩日喺越後湯澤絕對值得！
今年2月仲有Niigata Welcome Campaign，香港旅客去合作酒店或參加體驗活動，可享折扣優惠。第二集將會介紹既「白玉之湯 華鳳 越之里」溫泉旅館就係其中之一，10,000日圓以上住宿，拆扣5,000日圓，下次去新潟可以留意。
#日本 #新潟 #滑雪 #湯沢 #snowboard #niigata #yuzawa #japan #tokyo #travel #gadgetgang #gadgetganghk #岩原 #石打