張智霖一招返老還童　不老男神靠呢個部位贏女人心

男神張智霖（Chilam）舊年為拍新片角色而將頭髮染灰，仲留埋白鬚，成個人突然老咗10年，嚇到網友擔心佢身份出事，仲大彈佢滄桑味過濃，甚至有網民誤認過佢係盧海鵬，真係睇到大家眼凸凸，以為「不老男神」形象幻滅，不過好在新戲已經煞科，男神大回歸，頭髮立即染黑晒，得咗！

有網民就喺情人節（14日）撞到「返老還童」嘅佢，見佢喺原相機下依然靚仔又有型，生圖下絕佳狀態震撼網民，有網民驚嘆「怎麼會這樣20年如一日的？」、「這凍齡也太誇張了吧」仲有網民發現佢嘅髮線完全冇後移，令一眾男士十分羨慕，睇嚟呢個都係不老嘅秘密。

東網網站 : https://on.cc/東網Facebook專頁 : https://www.facebook.com/onccnews/