法與情︱余安安做大律師挑戰自己　陳秀珠衝破心理關口晒素顏

由謝安琪主演的ViuTV原創劇《法與情》，除了新一代演員外，還有多位資深演員坐鎮，包括葉璇﹅余安安﹅陳秀珠﹅蘇永康﹅劉美娟﹅鄭浩南等。當中余安安相隔5年後再次拍攝ViuTV劇集，她笑言因為角色吸引而接拍：「今次因為做大律師，咁多年都未做過，想挑戰自己，加上呢排好流行律師戲，所以就試吓囉。啲對白真係好長又大段，都有一定難度嘅，成個組合都係好新鮮第一次合作。」她大讚幕後團隊，坦言電影感十足：「其實劇同電影都冇咩分別，鏡頭、節奏都同電影一樣。」

久未有參與拍攝工作的陳秀珠指監製專揀「神隱」演員拍劇，劇中扮老都在所不惜：「我鍾意做惡嘅，今次角色就有啲深度，今次係角色上最窮嘅一次，第一次素顏上陣，要過自己嘅心理關口，真係初嘗民間疾苦。而本來好驚同小朋友拍戲，但今次呢個小演員叻到不得了，記性非常之好！」

東網網站 : https://on.cc/東網Facebook專頁 : https://www.facebook.com/onccnews/