忽發奇想︱唐詩詠建議《魷魚遊戲》玩井字過三關

韓國大熱劇集《魷魚遊戲》雖然播咗成個月，但熱潮未退，仲係全球劇迷話題之作。譚俊彥同炎明熹更因似足入面嘅李政宰同「木頭人」，成為城中熱話。視后唐詩詠亦唔執輸，佢喺社交網忽發奇想，建議《魷魚》加遊戲，到底係咩Game呢？

開估，就係井字過三關喇，詩詠就喺社交網上載玩井字過三關嘅相，唔係我哋平時紙筆玩嗰種，而係用好Grand嘅井字底盤，再用實物「圓圈」同「交叉」嚟玩，見佢玩到一臉滿足，個笑容同「001」阿伯吳一男一樣咁Enjoy呀！佢留言：「過三關，可唔可能變成 《魷魚遊戲》，其中一個game呢？」有網民話如果拍港版《魷魚》，詩詠真係好適合，話佢同「240」智英真係幾似，呢個角色非佢莫屬啦！

東網網站 : https://on.cc/東網Facebook專頁 : https://www.facebook.com/onccnews/